মুম্বাই, ০২ এপ্ৰিল (হি.স.)। মহাৰাষ্ট্ৰৰ বুলধনা জিলাৰ শ্বেগাঁও-খামগাঁও ঘাইপথৰ খামগাঁৱৰ সমীপত আজি পুৱা তিনিখন বাহনৰ সংঘৰ্ষত ৫জন লোক নিহত হোৱাৰ লগতে ২৪জন আহত হয়। আহতসকলক আকোলা আৰু খামগাঁৱৰ চৰকাৰী চিকিৎসালয়ত ভৰ্তি কৰোৱা হৈছে। ইয়াৰে সাতজনৰ অৱস্থা সংকটজনক বুলি জানিব পৰা গৈছে। খামগাঁও আৰক্ষীয়ে এই কথা নিশ্চিত কৰিছে।

আৰক্ষীৰ মতে, পুৱা প্ৰায় ৫.৩০ বজাত শ্বেগাঁৱৰ পৰা কলহাপুৰলৈ গৈ থকা এখন বেগী বলেৰ’ৰ লগত এছ টি বাছৰ সংঘৰ্ষ হয়। একে সময়তে পিছফালৰ পৰা অহা এখন ব্যক্তিগত বাছে এই দুৰ্ঘটনাগ্ৰস্ত গাড়ী দুখনত খুন্দা মাৰে। এই ঘটনাত বলেৰ’ত অহা ৫জন লোকৰ মৃত্যু হোৱাৰ লগতে বাছখনত অহা ২৪জন লোক আহত হয়।

हिन्दुस्थान समाचार / মনোজ কুমাৰ শইকীয়া