যোৰহাট, ০২ এপ্ৰিল (হি.স.)। বুধবাৰে যোৰহাটৰ আই এছ বিটি ত যান বাহন উপযোগিতা পৰীক্ষণ কেন্দ্ৰ উদ্বোধন কৰিলে মুখ্যমন্ত্ৰী ডঃ হিমন্ত বিশ্ব শৰ্মাই । এএছটিচি আৰু স্পেনিছ কোম্পানী এপ্লাছ ইটিউভ ইণ্ডিয়াৰ যৌথ উদ্যোগত স্থাপন কৰা হৈছে এই কেন্দ্ৰ। জিলা পৰিবহন বিষয়াৰ কাৰ্যালয়ৰ পৰিবৰ্তে এতিয়াৰ পৰা যোৰহাটৰ আই এছ বিটি ত যান বাহন উপযোগিতা পৰীক্ষণ সম্পন্ন হব ।
এই কেন্দ্ৰ স্থাপনৰ যোগেদি স্বয়ংক্ৰিয়ভাৱে যান বাহন উপযোগিতাৰ পৰীক্ষণৰ লগতে মানৱীয় হস্তক্ষেপ হ্ৰাস, পৰীক্ষাৰ তথ্য সংৰক্ষণৰ সুবিধা,নিখুঁত আৰু বিশ্বাসযোগ্য ফলাফলৰ লগতে ব্যয় হ্ৰাস পাব। প্ৰধানমন্ত্ৰী নৰেন্দ্ৰ মোদী,ৰাষ্ট্ৰপতি,ভূটানৰ ৰজাকে মুখ্য কৰি বিশেষ ব্যক্তি সকলৰ কাজিৰঙা আগমনৰ পাছৰে পৰা কাজিৰঙাত অভিলেখ সংখ্যক পৰ্যটকৰ বৃদ্ধি পাইছে বুলি সাংবাদিকৰে হোৱা বাৰ্তালাপত মুখ্যমন্ত্ৰীৰ মন্তব্য ।
কেইবাখনো উন্নত ৰাষ্ট্ৰৰ ট্ৰেভেল এডভাইজাৰী সংশোধনৰ ফলত অসমত আৰু বৃদ্ধি পাব পৰ্যটকৰ সংখ্যা । ইয়াৰ লগে লগে কাজিৰঙা দেশৰ অন্যতম পৰ্যটন কেন্দ্ৰ হিচাপে গঢ় লৈ উঠিব। পৰিবহন নিগমৰ অস্থায়ী ভিত্তিত কৰ্মৰত সহস্ৰাধিক কৰ্মচাৰীক লৈ মুখ্যমন্ত্ৰীৰ তাৎপৰ্যপূৰ্ণ মন্তব্য। পঞ্চায়ত নিৰ্বাচন সন্দৰ্ভতো মুখ্যমন্ত্ৰীৰ মন্তব্য--আমি নিৰ্বাচন ভালদৰে খেলিম আৰু সকলোকে শুভেচ্ছা জনাইছো ।
হিন্দুস্থান সমাচাৰ / প্ৰকাশ ডেকা
