লক্ষ্ণৌ, ০২ এপ্ৰিল (হি.স.)। আই পি এল ২০২৫ত ঘৰুৱা খেলপথাৰত হতাশ অনুভৱ কৰা দলৰ তালিকাত এতিয়া যোগদান কৰিছে লক্ষ্ণৌ ছুপাৰ জায়েণ্টছে। কলকাতা নাইট ৰাইডাৰ্ছ আৰু চেন্নাই ছুপাৰ কিংছৰ পিছত এতিয়া এল এছ জিয়েও নিজৰ ঘৰুৱা খেলপথাৰৰ পিটচক লৈ হতাশ যেন দেখা গৈছে। মঙলবাৰে পঞ্জাব কিংছৰ হাতত দলটোৱে আঠ উইকেটত পৰাস্ত হোৱাৰ পিছত দলৰ গুৰু জহীৰ খানে নিজৰ অসন্তুষ্টি প্ৰকাশ কৰি কয় যে এনে লাগে যেন “পাঞ্জাবৰ কিউৰেটৰে ইয়াত কাম কৰি আছে”।

লক্ষ্ণৌৰ একনা ষ্টেডিয়ামত পঞ্জাব কিংছৰ বিৰুদ্ধে খেলা খেলখনত এল এছ জিয়ে ৮ উইকেটত শোচনীয় পৰাজয়ৰ সন্মুখীন হয়। এই পৰাজয়ৰ পিছত জহীৰ খানে খেলপথাৰক লৈ অসন্তুষ্টি প্ৰকাশ কৰে।

মেচৰ অন্তত জহীৰ খানে কয়, এয়া অলপ হতাশাজনক কাৰণ এইটো আমাৰ ঘৰুৱা খেলপথাৰ। আই পি এলত আপুনি নিশ্চয় দেখিছে যে দলসমূহে নিজৰ ঘৰুৱা খেলপথাৰৰ সুবিধা ল'বলৈ চেষ্টা কৰে। কিন্তু ইয়াত কিউৰেটৰে এই বিষয়ে নাভাবিলে। এনে লাগিছিল যেন এয়া পঞ্জাৱৰ কিউৰেটৰহে।

'এয়া মোৰ বাবেও নতুন দায়িত্ব, কিন্তু আশাকৰোঁ এইখনেই হ'ব প্ৰথম আৰু শেষ মেচ য'ত এনেকুৱা হ'ব।আমাৰ অনুৰাগীসকলে ইয়াত আমাক জয়ী হোৱা দেখিব বিচাৰে। আমি আমাৰ ঘৰুৱা পৰিস্থিতিৰ সম্পূৰ্ণ সুবিধা লোৱাটো প্ৰয়োজন।'

মেচৰ পিছৰ সংবাদমেলত যেতিয়া জহীৰক সোধা হৈছিল যে তেওঁ আৰু অধিনায়ক ঋষভ পণ্টে খেলপথাৰখন ভুলকৈ অনুধাৱন কৰিছে নেকি, তেতিয়া তেওঁ উত্তৰ দিছিল, চাওক, কিউৰেটৰে কোৱাৰ দৰেই আমি কৰিম, নাই? ইয়াক অজুহাত হিচাপে লোৱা নাই, কিন্তু যোৱা ছিজনতো আমি দেখিছিলো যে ইয়াত বেটছমেনসকলৰ অসুবিধা হৈছিল আৰু বলাৰসকলে আধিপত্য বিস্তাৰ কৰিছিল। কিন্তু ঘৰুৱা দলটোক সমৰ্থন কৰাৰ কথা, আৰু সকলোৱে এই কথা বুজিব লাগে।

ঋষভ পন্তেও মেচখনৰ অন্তত কয় যে এল এছ জিয়ে এই মেচখন লেহেমীয়া খেলপথাৰত খেলিব বিচাৰিছে, কিন্তু খেলপথাৰৰ অৱস্থা তেনেকুৱা নাছিল। পাঞ্জাব কিংছে ২২টা বল বাকী থকা অৱস্থাত ১৭২ ৰানৰ লক্ষ্যত উপনীত হয়। ৰবি বিষ্ণোইও স্পিনাৰৰ বাবে সহায়ৰ অভাৱত জুৰুলা কৰি ৩ অভাৰত ৪৩ ৰান দিয়ে।

এই ছিজনত এল এছ জিয়ে বিদেশত অনুষ্ঠিত হোৱা তিনিখন মেচৰ ভিতৰত দুখন পৰাস্ত হৈছে, আৰু এতিয়া তেওঁলোকৰ ঘৰুৱা অভিলেখ ১৫খন মেচৰ পৰা মাত্ৰ ৭খন জয়। একনা ষ্টেডিয়ামত খেলা এই মেচসমূহত ২০০ৰো অধিক স্ক’ৰ মাত্ৰ এবাৰহে কৰা হৈছে, যাৰ পৰা স্পষ্ট হৈ পৰে যে খেলপথাৰখন দলৰ প্ৰয়োজন অনুসৰি নহয়।

জহিৰে কয় যে সেয়াই আই পি এলৰ প্ৰত্যাহ্বান। আপুনি ঘৰুৱা আৰু বাহিৰৰ খেলপথাৰত খেলিব লাগিব। এইখন আমাৰ ঘৰুৱা প্ৰথমখন খেল আছিল আৰু আশা আছিল অতি বেছি। পঞ্জাবে আমাক সম্পূৰ্ণৰূপে আউটপ্লে' কৰিছিল, আৰু খেলখনৰ স্বভাৱ সেয়াই।

हिन्दुस्थान समाचार / মনোজ কুমাৰ শইকীয়া