নতুন দিল্লী, ০২ এপ্ৰিল (হি.স.)। বুধবাৰে লোকসভাত ৱাকফ সংশোধনী বিধেয়ক সন্দৰ্ভত আলোচনাৰ সময়ত সমাজবাদী পাৰ্টিৰ মুৰব্বী অখিলেশ যাদৱে বিষয়টোৰ পৰা বিচ্যুত হৈ বিজেপিৰ পৰৱৰ্তী ৰাষ্ট্ৰীয় সভাপতি নিৰ্বাচনত পলম হোৱা সন্দৰ্ভত কটু মন্তব্য কৰে। এই সন্দৰ্ভত কেন্দ্ৰীয় গৃহমন্ত্ৰী অমিত শ্বাহে বংশৰ ৰাজনীতি সন্দৰ্ভত একে ধৰণেৰে এছ পিৰ ওপৰত কটাক্ষ কৰে।

লোকসভাত আলোচনাৰ সময়ত অখিলেশে মুখত বক্ত হাঁহি এটা মাৰি কয় যে বিজেপিত আভ্যন্তৰীণ সংঘাত চলি আছে। বিশ্বৰ সৰ্ববৃহৎ ৰাজনৈতিক দল বুলি দাবী কৰা এটা দলে এতিয়াও নিজৰ ৰাষ্ট্ৰীয় সভাপতি নিৰ্বাচন কৰিব পৰা নাই।

তেওঁৰ মন্তব্যৰ প্ৰতিক্ৰিয়া প্ৰকাশ কৰি গৃহমন্ত্ৰী শ্বাহে কয় যে অখিলেশ জীয়ে ধেমালিতে কৈছে, গতিকে মইও একে ধৰণে উত্তৰ দিম। শ্বাহে কয়, মোৰ সন্মুখত থকা সকলো দলে কেইটামান পৰিয়ালৰ পৰা নিজৰ ৰাষ্ট্ৰীয় সভাপতি নিৰ্বাচন কৰিব। আমি এটা প্ৰক্ৰিয়াৰ মাজেৰে পাৰ হৈ ১২-১৩ কোটি সদস্যৰ মাজৰ পৰা বাছি ল'ব লাগিব। গতিকে ইয়াৰ বাবে সময় লাগে। আপোনাৰ ক্ষেত্ৰত ইয়াৰ বাবে বেছি সময় নালাগিব। মই কৈছো যে আপুনি ২৫ বছৰলৈকে সভাপতি হৈ থাকিব।

हिन्दुस्थान समाचार / মনোজ কুমাৰ শইকীয়া