চলচ্চিত্ৰ পৰিচালক অনুৰাগ কাশ্যপে তেওঁৰ আগন্তুক ছবি ‘ফুলে’ সন্দৰ্ভত ব্ৰাহ্মণ সমাজক লৈ দিয়া বক্তব্যৰ পিছতে ছ’চিয়েল মিডিয়াত বিতৰ্কৰ সৃষ্টি হয়। এই বক্তব্যৰ পিছত অনুৰাগ কাশ্যপ আৰু তেওঁৰ পৰিয়ালেও বহু ভাবুকি লাভ কৰে। বহু লোকে অনুৰাগৰ এই বক্তব্যক গৰিহণা দি তেওঁৰ বিৰুদ্ধে ব্যৱস্থা গ্ৰহণৰ দাবী জনায়। এতিয়া অনুৰাগে নিজৰ অফিচিয়েল ইনষ্টাগ্ৰামত এটা দীঘলীয়া পোষ্ট শ্বেয়াৰ কৰি ক্ষমা বিচাৰিছে।
অনুৰাগ কাশ্যপে স্পষ্টকৈ কৈছিল, এই ক্ষমাপ্ৰাৰ্থনা সমগ্ৰ পোষ্টটোৰ বাবে নহয়, সেই এটা শাৰীৰ বাবেহে। সেই শাৰীটোত এটা বেলেগ প্ৰসংগ সংযোজন কৰা হৈছিল, যিয়ে বহুত ঘৃণা বিয়পাইছিল। মোৰ মতামত যিমানেই স্পষ্ট নহওক কিয়, যদি ই মোৰ ছোৱালীজনীৰ সুৰক্ষাৰ ওপৰত প্ৰভাৱ পেলায়, তেন্তে সেই মতামত মোৰ বাবে কোনো গুৰুত্ব নাই। মই মোৰ বক্তব্যৰ কাষত থিয় দিছো, কিন্তু মোৰ বাবে যদি মোৰ পৰিয়ালে সমস্যাৰ সন্মুখীন হৈছে, তেন্তে মোক ক্ষমা কৰিব। মোক ককৰ্থনা কৰক, কিন্তু মোৰ পৰিয়ালৰ কোনো অসুবিধাৰ সৃষ্টি নকৰিব। যদি আপুনি মোৰ পৰা ক্ষমা বিচাৰিছে, মই কৰিম। বিশুদ্ধ মূল্যবোধ আৰু ধৰ্মৰ প্ৰচাৰ কৰাসকলে নাৰীক সন্মান কৰা উচিত, মই মাত্ৰ এয়াই আশা কৰিছো।
অনুৰাগৰ এই বক্তব্যই বিতৰ্কৰ সৃষ্টি কৰিছিল অনুৰাগে কিছুদিন পূৰ্বে ‘ফুলে’ ছবিখনৰ পটভূমিত এটা পোষ্ট লিখিছিল। ইয়াৰ ফলত এক বিতৰ্কৰ সৃষ্টি হয়। অনুৰাগে লিখিছে, ধড়ক ২ প্ৰদৰ্শনৰ সময়ত চেন্সৰ ব'ৰ্ডে কৈছিল যে মোদীয়ে জাতি ব্যৱস্থা বিলুপ্ত কৰিছে। এই ভিত্তিতেই ভাৰতত সন্তোষ ছবিখনো মুক্তি পোৱা নাছিল। এতিয়া 'ফুলে' ছবিখনৰ প্ৰতি ব্ৰাহ্মণ সমাজৰ আপত্তি আছে, কিন্তু ভাই, যদি জাতি ব্যৱস্থা শেষ হৈছে, তেন্তে ব্ৰাহ্মণসকল ক'ৰ পৰা আহিল ? আপোনালোক কোন? আপোনালোকৰ অসুবিধা কি ?
জাতি ব্যৱস্থা নাথাকিলে জ্যোতিবা ফুলে আৰু সাবিত্ৰীবাই ফুলে কিয় অস্তিত্ব লাভ কৰিলেহেঁতেন? এটা কথা ইয়াত ব্ৰাহ্মণ নাই, কাৰণ মোডীৰ মতে ভাৰতত জাতি ব্যৱস্থা নাই। নে সকলোৱে ইজনে সিজনক মুৰ্খ সজাইছে ? আপোনালোকে প্ৰথমে মিলি এই সিদ্ধান্ত ল'ব লাগিব যে ভাৰতত জাতি ব্যৱস্থা আছে নে নাই। মানুহবোৰ বুৰ্বকা নহয়। আপুনি ব্ৰাহ্মণ নে আপোনাৰ পূৰ্বজ আছিল যি এতিয়া ইয়াত নাই...কি সিদ্ধান্ত ল'ব? ইয়াৰ ফলত অনুৰাগৰ বাবেদি অসন্তোষ উৎপন্ন হৈছে। এতিয়া যেতিয়া অনুৰাগে ক্ষমা প্ৰাৰ্থনা কৰিছে, তেতিয়া এই কথাটো শেষ বুলি ক'লে ভুল নহ'ব।
हिन्दुस्थान समाचार / মনোজ কুমাৰ শইকীয়া
