নতুন দিল্লী, ০১ এপ্ৰিল (হি.স.)। কেন্দ্ৰীয় সমবায় মন্ত্ৰী অমিত শ্বাহে মঙলবাৰে কয় যে নতুন ৰাষ্ট্ৰীয় সমবায় নীতিৰ খচৰা প্ৰস্তুত কৰা হৈছে আৰু চূড়ান্ত কৰা হৈছে।

সমবায় মন্ত্ৰী অমিত শ্বাহে লোকসভাত এক প্ৰশ্নৰ লিখিত উত্তৰত কয় যে সমবায় মন্ত্ৰালয়ৰ মূলমন্ত্ৰ, সমবায়ৰ জৰিয়তে সমৃদ্ধি পূৰণ কৰিবলৈ নতুন ৰাষ্ট্ৰীয় সমবায় নীতিৰ কল্পনা কৰা হৈছে।

তেওঁ জনোৱা মতে, ২০২২ চনৰ ২ ছেপ্টেম্বৰত সুৰেশ প্ৰভাকৰ প্ৰভুৰ নেতৃত্বত সমবায় খণ্ডৰ বিশেষজ্ঞ, ৰাষ্ট্ৰীয়, ৰাজ্যিক, জিলা আৰু প্ৰাথমিক পৰ্যায়ৰ সমবায় সমিতিৰ প্ৰতিনিধি, ৰাজ্য, কেন্দ্ৰীয় শাসিত প্ৰদেশ সচিব (সমবায়) আৰু পঞ্জীকৃত সমবায় সমিতিসমূহ তথা কেন্দ্ৰীয় মন্ত্ৰালয় আৰু বিভাগসমূহৰ বিষয়াসকলক লৈ সমবায় খণ্ডৰ প্ৰকৃত সম্ভাৱনা মুকলি কৰিবলৈ নতুন সমবায় নীতি গঠন কৰা হয় ।

শ্বাহে কয় যে সমিতিখনে ১৭খন বৈঠক অনুষ্ঠিত কৰাৰ লগতে সমগ্ৰ দেশতে চাৰিখন আঞ্চলিক কৰ্মশালাৰ আয়োজন কৰি অংশীদাৰসকলৰ পৰা পৰামৰ্শ লাভ কৰে। লাভ কৰা পৰামৰ্শসমূহ নীতিৰ খচৰাত উপযুক্তভাৱে অন্তৰ্ভুক্ত কৰা হৈছে। নীতিৰ খচৰা প্ৰস্তুত কৰি চূড়ান্ত ৰূপ দিয়া হৈছে।

হিন্দুস্থান সমাচাৰ / মনোজ কুমাৰ শইকীয়া