নতুন দিল্লী, ০১ এপ্ৰিল (হি.স.)। কেন্দ্ৰীয় চৰকাৰে নক্সালবাদক সম্পূৰ্ণৰূপে উভালি পেলোৱাৰ অভিযানৰ অংশ হিচাপে বাওঁপন্থী উগ্ৰবাদৰ কুপ্ৰভাৱৰ পৰা মুক্ত হৈছে দেশৰ ছখন জিলা। ইয়াৰ লগে লগে বাওঁপন্থী উগ্ৰবাদৰ দ্বাৰা আটাইতকৈ বেছি ক্ষতিগ্ৰস্ত জিলাৰ সংখ্যা মাত্ৰ ছয়খনলৈ হ্ৰাস পাইছে।

কেন্দ্ৰীয় গৃহমন্ত্ৰী অমিত শ্বাহে আজি টুইটাৰত লিখিছে, এটা নক্সালমুক্ত ভাৰত গঢ়াৰ দিশত এক বৃহৎ পদক্ষেপ গ্ৰহণ কৰি আজি আমাৰ দেশে বাওঁপন্থী উগ্ৰবাদৰ দ্বাৰা সৰ্বাধিক ক্ষতিগ্ৰস্ত জিলাৰ সংখ্যা ১২ খনৰ পৰা মাত্ৰ ৬ খনলৈ হ্ৰাস কৰি এক নতুন মাইলৰ খুঁটি অৰ্জন কৰিছে । মোদী চৰকাৰ নক্সালবাদৰ প্ৰতি নিৰ্মম দৃষ্টি আৰু সৰ্বব্যাপী উন্নয়নৰ বাবে অধিক প্ৰয়াসৰ সৈতে শক্তিশালী, সুৰক্ষিত আৰু সমৃদ্ধ ভাৰতৰ নিৰ্মাণ কৰি আছে। ভাৰত ৩১ মাৰ্চ ২০২৬ ৰ ভিতৰত নক্সালবাদক সম্পূৰ্ণৰূপে পুলিয়ে পোখাই নিৰ্মূল কৰাৰ বাবে দৃঢ় সংকল্পিত।’’

হিন্দুস্থান সমাচাৰ / মনোজ কুমাৰ শইকীয়া