-ইদগাহৰ পৰা উভতি অহাৰ সময়ত ঘন্টাঘৰ অঞ্চলত সংঘটিত এই ঘটনা, ব্যৱস্থা গ্ৰহণ কৰা হ'ব
লক্ষ্ণৌ, ৩১ মাৰ্চ (হি.স.)। ইজৰাইলৰ বিৰুদ্ধে যুঁজি থকা পেলেষ্টাইনৰ পতাকা উৰুওৱা এটা গোচৰ পোহৰলৈ আহিছে। উত্তৰ প্ৰদেশৰ ছাহাৰানপুৰ জিলাৰ ঘন্টাঘৰ অঞ্চলত ঈদ-উল-ফিতৰৰ দিনা এক বৃহৎ সংখ্যক মুছলমান যুৱক-যুৱতী সমবেত হয়। মুছলমান যুৱক-যুৱতীয়ে পেলেষ্টাইনৰ পতাকা উৰুওৱাৰ লগতে শ্লোগানো দিয়ে । এই সময়ত এজন যুৱকে গাজা লিখা টি-চাৰ্ট পিন্ধি থকা দেখা গৈছিল। চিচিটিভি ফুটেজৰ জৰিয়তে দোষীক চিনাক্ত কৰাৰ পাছত কঠোৰ ব্যৱস্থা গ্ৰহণ কৰা হ’ব বুলি এছএছপিয়ে জনাইছে।
সোমবাৰে ছাহাৰানপুৰৰ ইডগাহ অঞ্চলত বৃহৎ সংখ্যক আৰক্ষীৰ দল মোতায়েন কৰা হয়। ইয়াৰ উপৰিও নমাজৰ সময়তো সাৱধানতা অৱলম্বন কৰা হৈছিল। তাৰ পাছতে নামাজৰ পৰা ওলাই অহা যুৱকৰ দল এটা ঘন্টাঘৰ অঞ্চলত গোট খায়। খবৰ অনুসৰি পেলেষ্টাইনৰ পতাকাৰ লগতে সেউজীয়া পতাকাও জোকাৰিছিল আৰু লগতে শ্লোগানো দিছিল। ঘটনা সন্দৰ্ভত আৰক্ষী প্ৰশাসনে তথ্য লাভ কৰাৰ লগে লগে হুলস্থুলৰ সৃষ্টি হয়। তিনিখন আৰক্ষী থানাৰ পৰা আৰক্ষী বাহিনীক ঘটনাস্থলীলৈ প্ৰেৰণ কৰা হয়।
জ্যেষ্ঠ আৰক্ষী অধীক্ষক ৰোহিত সিং সাজৱানে কয় যে সমগ্ৰ ঘটনাৰ তদন্তৰ নিৰ্দেশ দিয়া হৈছে। ঘটনাৰ সময়ত উপস্থিত থকা আৰক্ষীক ঘন্টাঘৰ অঞ্চলৰ আশে-পাশে থকা চিচিটিভি ফুটেজ পৰীক্ষা কৰিবলৈ কোৱা হৈছে। তদন্তত প্ৰকাশ পোৱা লোকসকলৰ বিৰুদ্ধে প্ৰয়োজনীয় ব্যৱস্থা গ্ৰহণ কৰা হ’ব।
हिन्दुस्थान समाचार / মনোজ কুমাৰ শইকীয়া
