কাঠমাণ্ডু, ১১ মাৰ্চ (হি.স.)। মূল বিৰোধী দল মাওবাদীয়ে দলীয় সংগঠনৰ সম্প্ৰসাৰণৰ বাবে চলি থকা সকলো ৰাজনৈতিক প্ৰচাৰ তৎকালীনভাৱে স্থগিত ৰাখি দলৰ জৰুৰী বৈঠক আহ্বান কৰিছে। তেৰাই মধেছত জাগৰণ অভিযানৰ নেতৃত্ব দি থকা প্ৰচণ্ডই কাঠমাণ্ডুত উপস্থিত হৈ প্ৰাক্তন ৰজাৰ ক্ৰমাৎ বৃদ্ধি পোৱা সক্ৰিয়তা সন্দৰ্ভত মঙলবাৰে সংসদত ভাষণ দিয়াৰ কথা। লগতে বিৰোধী মিত্ৰজোঁটৰ এখন সভাও আহ্বান কৰা হৈছে।
প্ৰাক্তন ৰজা জ্ঞানেন্দ্ৰ শ্বাহৰ ক্ৰমাৎ বৃদ্ধি পোৱা সক্ৰিয়তাক গণতন্ত্ৰ, গণৰাজ্য, ফেডাৰেলিজম আৰু ধৰ্মনিৰপেক্ষতাৰ প্ৰতি ভাবুকি আখ্যা দি মাওবাদী পাৰ্টিৰ সভাপতি পুষ্প কমল দাহাল প্ৰচন্দই দলটোৰ সকলো ৰাজনৈতিক কাৰ্যসূচী সোমবাৰৰ পৰা স্থগিত ৰখাৰ নিৰ্দেশ দিছে। প্ৰচণ্ডই জৰুৰী বৈঠক আহ্বান কৰি সকলো দলৰ নেতাক সোমবাৰে কাঠমাণ্ডুলৈ আহিবলৈ নিৰ্দেশ দিছে।
মাওবাদী পাৰ্টিৰ মুখপাত্ৰ অগ্নি সাপকোটাই কয় যে ইমান বৃহৎ সংখ্যক ৰাজা সমৰ্থক ৰাজপথলৈ ওলাই অহাটো দেশৰ গণতন্ত্ৰ, গণৰাজ্য, ফেডাৰেলিজম আৰু ধৰ্মনিৰপেক্ষতাৰ প্ৰতি এক বৃহৎ ভাবুকি। তেওঁ কয় যে দহ বছৰীয়া সশস্ত্ৰ সংগ্ৰামৰ অন্তত মাওবাদীয়ে লাভ কৰা সাফল্য বিপদত পৰিছে বুলি দলৰ সভাপতি প্ৰচন্দই উদ্বেগ প্ৰকাশ কৰিছে। ইয়াৰ বাবে মাওবাদী দলে প্ৰধানমন্ত্ৰী কে পি অলি আৰু বৰ্তমানৰ শাসকীয় মিত্ৰজোঁটক দোষাৰোপ কৰিছে। তেওঁৰ মতে তেওঁলোকৰ পক্ষত কোনো কাম নকৰাৰ বাবে জনসাধাৰণে ক্ষোভ প্ৰকাশ কৰিছে।
সাম্প্ৰতিক ৰাজনৈতিক পৰিস্থিতিৰ সন্দৰ্ভত মঙলবাৰে দলৰ সভাপতি প্ৰচন্দই সংসদৰ প্ৰতিনিধি সদনত ভাষণ দিয়াৰ কথা মাওবাদী মুখপাত্ৰগৰাকীয়ে প্ৰকাশ কৰে। সংসদৰ বৈঠকত তেওঁ দেশৰ পৰিৱৰ্তিত ৰাজনৈতিক পৰিস্থিতিৰ ওপৰত নিজৰ মতামত দাঙি ধৰি গণৰাজ্য, ফেডাৰেলিজম আৰু ধৰ্মনিৰপেক্ষতাক সুৰক্ষিত কৰিবলৈ সৰ্বদলীয় চৰকাৰ গঠনৰ প্ৰস্তাৱ আগবঢ়াব। ইয়াৰ লগতে মঙলবাৰে মাওবাদীয়েও বিৰোধী দলৰ মিত্ৰতাৰ বৈঠক আহ্বান কৰিছে।
हिन्दुस्थान समाचार / মনোজ কুমাৰ শইকীয়া
