ক্ৰিকেটাৰ যুজবেন্দ্ৰ চহল আৰু নৃত্য পৰিচালক ধনশ্ৰী বৰ্মা এইকেইদিন শিৰোনামাত আছে। কিছুদিনৰ পৰা তেওঁলোকৰ বিচ্ছেদৰ খবৰটো আলোচনাৰ বিষয় হৈ পৰিছিল। যুজবেন্দ্ৰ আৰু ধনশ্ৰীৰ বিবাহ বিচ্ছেদ ঘটে। ইয়াৰ পূৰ্বে ধনশ্ৰীয়ে যুজবেন্দ্ৰৰ সৈতে তেওঁৰ সকলো ফটো ইনষ্টাগ্ৰামৰ পৰা আঁতৰাই পেলাইছিল। অৱশ্যে এতিয়া যুজবেন্দ্ৰ চহলৰ সৈতে ছবি পুনৰ তেওঁৰ ইনষ্টাগ্ৰাম একাউণ্টত প্ৰকাশ পাবলৈ আৰম্ভ কৰিছে, যিয়ে পুনৰবাৰ অনুৰাগীৰ মাজত আলোচনা আৰম্ভ হৈছে।
ধনশ্ৰীয়ে নিজৰ ইনষ্টাগ্ৰাম ষ্ট’ৰীত লিখিছে যে নাৰীক দোষাৰোপ কৰাটো সদায় ফেশ্বনত থাকে। তেওঁৰ এই পোষ্টটোৰ পিছত অনুৰাগীৰ মাজত আলোচনা অধিক তীব্ৰতৰ হৈ পৰিছে। ইফালে আজিকালি যুজবেন্দ্ৰ চহলে আৰ জে মাহৱাশৰ লগত ডেটিং কৰা বুলি চৰ্চা চলিছে। ৯ মাৰ্চত ডুবাইত অনুষ্ঠিত চেম্পিয়নছ ট্ৰফীৰ ফাইনেল (ভাৰত বনাম নিউজিলেণ্ড)ৰ সময়ত দুয়োকে একেলগে দেখা গৈছিল, যিয়ে এই প্ৰতিবেদনসমূহ আৰু অধিক শক্তিশালী কৰি তুলিছিল।
লকডাউনৰ সময়ত যুজবেন্দ্ৰ চহল আৰু ধনশ্ৰী বৰ্মাৰ প্ৰথম সাক্ষাৎ ২০২০ চনত হয়। ক্ৰিকেটাৰগৰাকীয়ে ধনশ্ৰীৰ নৃত্যৰ ভিডিঅ’ ছ’চিয়েল মিডিয়াত চাই যোগাযোগ কৰিছিল নৃত্য শিকিবলৈ। এই সময়ছোৱাত দুয়োৰে মাজত বন্ধুত্ব গঢ় লৈ উঠে, যিটো বন্ধুত্ব অতি সোনকালে প্ৰেমলৈ পৰিণত হয়। ২০২০ চনৰ ডিচেম্বৰ মাহত যুজবেন্দ্ৰ আৰু ধনশ্ৰীৰ বিবাহ হৈছিল। অৱশ্যে এতিয়া চাৰি বছৰৰ মূৰত বিবাহ বিচ্ছেদ কৰি বিচ্ছেদ ঘটিছে দম্পতীহালৰ।
हिन्दुस्थान समाचार / মনোজ কুমাৰ শইকীয়া
