বলীউড অভিনেতা ৰণবীৰ সিঙৰ ছবি ‘ধুৰন্ধৰ’ বক্স অফিচত ভাল প্ৰদৰ্শন অব্যাহত ৰাখিছে। ৫ ডিচেম্বৰত মুক্তি পোৱা ছবিখনে ১৩ দিন সম্পূৰ্ণ কৰাৰ পিছতো ছবিগৃহলৈ দৰ্শকক আকৰ্ষণ কৰিবলৈ সক্ষম হৈছে। এতিয়া ছবিখনে ৪৫০ কোটিৰ ক্লাবত প্ৰৱেশৰ বাবে চকু ৰাখিছে। ইফালে কপিল শৰ্মাৰ ছবি ‘কিছ কিছকো প্যাৰ কৰু ২’ বক্স অফিচত সংগ্ৰাম কৰি আছে।
১৩ দিনত ‘ধুৰন্ধৰ’ৰ আধিপত্য
ত্ৰয়োদশ দিনটোত উপাৰ্জন সামান্য হ্ৰাস পালেও ব্যৱসায়ৰ দ্বিতীয় সপ্তাহত ‘ধুৰন্ধৰ’ই নিজৰ শক্তিশালী দখল অক্ষুণ্ণ ৰাখিছে। চাকনিল্কৰ এক প্ৰতিবেদন অনুসৰি দ্বিতীয় বুধবাৰে ছবিখনে ২৫.৫০ কোটি টকা সংগ্ৰহ কৰে। ইয়াৰ পূৰ্বে দ্বাদশ দিনত ৩০.৫ কোটি আৰু একাদশ দিনত ৩০.৫ কোটি টকা উপাৰ্জন কৰিছিল। এতিয়ালৈকে ঘৰুৱা বক্স অফিচত ৪৩৭.২৫ কোটি টকা উপাৰ্জন কৰাৰ বিপৰীতে বিশ্বব্যাপী সংগ্ৰহ প্ৰায় ৬৩৯ কোটি ₹ হৈছে।
‘কিছ কিছকো প্যাৰ কৰু ২’ৰ দুৰ্বল প্ৰদৰ্শন
ইফালে অনুকুল গোস্বামীৰ পৰিচালিত ‘কিছ কিছকো প্যাৰ কৰু ২’ ছবিখনৰ সমস্যা বাঢ়িছে। চাকনিল্কৰ তথ্য অনুসৰি ছবিখনে ষষ্ঠ দিনত মাত্ৰ ৭৫ লাখ ₹হে উপাৰ্জন কৰে। পঞ্চম দিনা ১.১ কোটি ₹ উপাৰ্জন কৰাৰ বিপৰীতে ঠিক পিছদিনা ইয়াৰ উপাৰ্জন যথেষ্ট হ্ৰাস পায়। এতিয়ালৈকে ছবিখনে ছয় দিনত মাত্ৰ ১০ কোটি টকাহে সংগ্ৰহ কৰিছে, আৰু বক্স অফিচত ফ্লপ হোৱাৰ সম্ভাৱনা আছে। মুঠৰ ওপৰত ‘ধুৰন্ধৰ’ বক্স অফিচত আধিপত্য বিস্তাৰ কৰি থকাৰ বিপৰীতে ৰণবীৰ সিঙৰ ছবিখনে আন মুক্তিৰ বাবে এক ডাঙৰ প্ৰত্যাহ্বান হিচাপে প্ৰমাণিত হৈছে।
हिन्दुस्थान समाचार / অৰৱিন্দ
