নতুন দিল্লী, ০৬ নৱেম্বৰ (হি.স.ছ)। ভাৰতৰ তাৰকা পেৰা আৰ্চাৰ শীতল দেৱীয়ে অৰ্জন কৰিছে আন এক ঐতিহাসিক মাইলৰ খুঁটি। আগন্তুক এছিয়া কাপ ২০২৫ ষ্টেজ ৩ (এবল-বডি জুনিয়ৰ কেটেগৰী)ৰ বাবে ভাৰতীয় দলত নিৰ্বাচিত হৈছে। চৌদি আৰৱৰ জেদ্দাত অনুষ্ঠিত হ’ব এই প্ৰতিযোগিতা।

১৮ বছৰীয়া শীতল দেৱীয়ে চলিত বৰ্ষৰ পেৰিছ পেৰালিম্পিক ২০২৪ত মিক্সড টিম কম্পাউণ্ড ইভেণ্টত ব্ৰঞ্জৰ পদক লাভ কৰে। এছিয়া কাপৰ জুনিয়ৰ বাছনি ট্ৰায়েলত তৃতীয় স্থান দখল কৰি ভাৰতীয় দলৰ স্থান দখল কৰে।

এইবাৰ প্ৰথমবাৰৰ বাবে ভাৰতক প্ৰতিনিধিত্ব কৰিবলৈ সক্ষম হোৱা আন্তঃৰাষ্ট্ৰীয় প্ৰতিযোগিতাত পেৰা এথলীট নিৰ্বাচিত কৰা হৈছে।

নিজৰ নিৰ্বাচনক লৈ সুখ প্ৰকাশ কৰি শীতলে ছ’চিয়েল মিডিয়াত লিখিছে, যেতিয়া মই প্ৰতিযোগিতা আৰম্ভ কৰিছিলো, তেতিয়া মোৰ এটা সৰু সপোন আছিল – এদিন সক্ষম খেলুৱৈৰ সৈতে প্ৰতিযোগিতাত অংশগ্ৰহণ কৰা। প্ৰথম অৱস্থাত মই সফল নহ'লোঁ, কিন্তু প্ৰতিটো ব্যৰ্থতাৰ পৰা শিকি থাকিলোঁ। আজি সেই সপোন এখোজ ওচৰ চাপিছে। জুনিয়ৰ এছিয়া কাপৰ ট্ৰাইলত মই তৃতীয় স্থান লাভ কৰিলোঁ আৰু এতিয়া সক্ষম শাখাত ভাৰতক প্ৰতিনিধিত্ব কৰিম।

हिन्दुस्थान समाचार / অৰৱিন্দ