শোণিতপুৰ, ২৮ অক্টোবৰ (হি.স.)। ঢেকীয়াজুলীত সদৌ অসম সত্ৰ মহাসভাৰ সেতুবন্ধন সমাৰোহ আজিৰে পৰা দুদিনীয়া কাৰ্যসূচীৰে আৰম্ভ হৈছে। এই উপলক্ষে আয়োজিত কাৰ্যসূচীত উপস্থিত থাকে মন্ত্ৰী অশোক সিংহল আৰু শিক্ষামন্ত্ৰী ৰণোজ পেগু l

ঢেকীয়াজুলিত অনুষ্ঠিত সদৌ অসম সত্ৰ মহাসভাৰ সেতুবন্ধন সমাৰোহত অসমৰ সকলো জাতি-জনগোষ্ঠীৰ সংস্কৃতি প্ৰদৰ্শন কৰা হৈছে। ইয়াৰ লগচে অংকীয়া ভাওনা আৰু সত্ৰীয়া কলা সংস্কৃতি প্ৰদৰ্শন কৰা হয় । আনহাতে এই কাৰ্য়সূচীতেই সুধাকণ্ঠ ড° ভূপেন হাজৰিকালৈ জন্ম শতবৰ্ষৰ বিশেষ শ্ৰদ্ধাৰ্ঘ নিবেদন কৰাৰ লগতে সদ্যপ্ৰয়াত জনগণৰ হিয়াৰ আমঠু জুবিন গাৰ্গলৈ শ্ৰদ্ধাঞ্জলি জনাই কাৰ্যসূচী ৰূপায়ণ কৰা হয় l

সদৌ অসম সত্ৰ মহাসভাৰ সেতুবন্ধন সমাৰোহ-২০২৫ খন ৪ আৰু ৫ অক্টোৱৰত অনুষ্ঠিত কৰাৰ ঘোষণা কৰা হৈছিল। কিন্তু মহান শিল্পী জুবিন গাৰ্গৰ মহাপ্ৰয়াণৰ প্ৰতি শ্ৰদ্ধা জনাই ঢেকিয়াজুলিত অনুষ্ঠিত হ'বলগা সেতুবন্ধন সমাৰোহ-২০২৫ খনি ৪ আৰু ৫ অক্টোৱৰৰ পৰিৱৰ্তে ২৮ আৰু ২৯ অক্টোবৰত অনুষ্ঠিত কৰাৰ সিদ্ধান্ত গ্ৰহণ কৰে সদৌ অসম সত্ৰ মহাসভাই।

---------------

হিন্দুস্থান সমাচাৰ / নিৰ্মলেন্দু