বাৰাণসী, ১৮ অক্টোবৰ (হি.স.)। কান্তৰাঃ চেপ্টাৰ ১ ছবিখনৰ প্ৰচণ্ড সফলতাৰ মাজতে বাৰাণসীত উপস্থিত হৈছে অভিনেতা ঋষভ শেট্টী। বাবা বিশ্বনাথ ভ্ৰমণ আৰু মা গংগাৰ আৰতিত অংশগ্ৰহণ কৰাৰ পিছত শনিবাৰে তেওঁ আটাইতকৈ পুৰণি মন্দিৰসমূহৰ ভিতৰত অন্যতম মা মুণ্ডেশ্বৰী মন্দিৰ দৰ্শন কৰে। বিহাৰৰ কৈমুৰ জিলাৰ ভগৱানপুৰৰ পাৱৰা পাহাৰত অৱস্থিত মাতাৰ দৰবাৰত দেৱীক প্ৰণাম কৰাৰ পিছত অভিনেতাগৰাকীয়ে বিগ্ৰহ অভিষেক কৰি বৈদিক মন্ত্ৰোচ্ছাৰণৰ মাজত বিধিগত পূজা অৰ্চনা কৰে।
কাইমুৰৰ বিশ্বৰ আটাইতকৈ পুৰণি মুণ্ডেশ্বৰী মন্দিৰ পৰিদৰ্শন কৰাৰ পিছত অভিনেতাগৰাকীয়ে মন্দিৰৰ আধ্যাত্মিক শক্তি অনুভৱ কৰে। অভিনেতাগৰাকীৰ চলচ্চিত্ৰ ইউনিটৰ সৈতে জড়িত জনসংযোগ দলটোৱে দৰ্শন আৰু পূজাৰ ফটো ছ’চিয়েল মিডিয়াত শ্বেয়াৰ কৰে। ঋষভ শেট্টীৰ মন্দিৰ ভ্ৰমণৰ ফটো আৰু ভিডিঅ’ ভাইৰেল হৈ পৰিছে ছ’চিয়েল মিডিয়াত।
দৰ্শন পূজাৰ পিছত অভিনেতা গৰাকীয়ে তেওঁৰ ছবি কান্তৰাঃ চেপ্টাৰ ১ ৰ সফলতাৰ বাবে মাতৃ দেৱীৰ প্ৰতি কৃতজ্ঞতা প্ৰকাশ কৰে। প্ৰতিদিনে ইয়াৰ জনপ্ৰিয়তা বাঢ়িছে। সমগ্ৰ দেশৰ দৰ্শকৰ আপ্লুত মৰম আৰু প্ৰশংসাৰ মাজতে ছবিখনে বক্স অফিচতো ব্যতিক্ৰমীভাৱে ভাল প্ৰদৰ্শন কৰিছে। ২ অক্টোবৰত বিশ্বজুৰি কানাড়া, হিন্দী, তেলেগু, মালয়ালম, তামিল, বাংলা, আৰু ইংৰাজী ভাষাত মুক্তি লাভ কৰিছিল ছবিখন। ছবিখনে দেশজুৰি বক্স অফিচত ৫০০ কোটি (১.২ বিলিয়ন মাৰ্কিন ডলাৰ) আৰু বিশ্বজুৰি ৭০০ কোটি (১.২ বিলিয়ন মাৰ্কিন ডলাৰ) অতিক্ৰম কৰিবলৈ সাজু হৈছে।
हिन्दुस्थान समाचार / আলোক চক্ৰৱৰ্তী
