গোপেশ্বৰ, ১০ অক্টোবৰ (হি.স.)। শিখসকলৰ পবিত্ৰ থান হেমকুণ্ড চাহাব আৰু উচ্চ হিমালয় অঞ্চলত অৱস্থিত হিন্দুসকলৰ পবিত্ৰ মন্দিৰ লোকপাল লক্ষ্মণ মন্দিৰৰ দুৱাৰ শুকুৰবাৰে বিয়লি শীতকালৰ বাবে বন্ধ হৈ পৰে।
সামৰণি অনুষ্ঠানৰ বাবে শ্ৰী হেমকুণ্ড চাহাবত উপস্থিত হয় ৰাগীসহ চাৰি হাজাৰ ভক্ত। সুখদায়ক বতৰ আৰু বৰফেৰে আবৃত সপ্তশ্ৰুঙা উপত্যকাৰ ঐশ্বৰিক দৃশ্যৰ মাজতে অমৃতসৰী ৰাগী জাথাৰ উদ্যোগত শব্দ কীৰ্তন আৰু সুখমণি চাহাব আবৃত্তিৰ আয়োজন কৰা হয়। ইয়াৰ পিছতে অৰ্দাস আৰু জো বলে সোনিহালৰ গীতেৰে দুৱাৰ বন্ধ কৰি দিয়া হয়।
সেনাবাহিনীৰ বেণ্ডৰ সুৰীয়া সুৰেৰে সমগ্ৰ অঞ্চলটো প্ৰতিধ্বনিত হৈছিল। এই অনুষ্ঠানত গুৰুদ্বাৰা শ্ৰী হেমকুণ্ড চাহিব মেনেজমেণ্ট ট্ৰাষ্টৰ সভাপতি নৰেন্দ্ৰজিৎ সিং বিন্দ্ৰা, আৰু জ্যেষ্ঠ প্ৰবন্ধক চৰ্দাৰ সেৱা সিং উপস্থিত থাকে। তুষাৰপাতৰ সময়ত আৰক্ষীৰ সহায়ৰ বাবে প্ৰশংসা কৰে।
উল্লেখযোগ্য যে চলিত বৰ্ষৰ ২৫ মে’ৰ পৰা আৰম্ভ হোৱা শ্ৰী হেমকুণ্ড চাহিব যাত্ৰাই তীৰ্থযাত্ৰীৰ সংখ্যাৰ ক্ষেত্ৰত পূৰ্বৰ সকলো অভিলেখ ভেঙুচালি কৰিছিল। এই ঋতুত ২ লাখ ৭৫ হাজাৰৰো অধিক ভক্তই দৰ্শনৰ পবিত্ৰ আশীৰ্বাদ লাভ কৰে। এই ধৰ্ম কেন্দ্ৰটো কেৱল পূজাস্থলী নহয়, হিন্দু-শিখ ধৰ্মৰ অদম্য দায়বদ্ধতাৰ প্ৰতীক।
हिन्दुस्थान समाचार / মনোজ কুমাৰ শইকীয়া
