গুৱাহাটী, ০৩ জানুৱাৰী (হি.স.)। ‘গোলাই চোৰ’ শীৰ্ষক চলচ্চিত্ৰখনৰ ট্ৰেইলাৰ আৰু সংগীত আজি আইদেউ চিনেমা হলত উন্মোচন কৰা হয়। ছবিখন অসম চৰকাৰৰ চলচ্চিত্ৰ (আৰ্থিক আৰু উন্নয়ন) নিগম আৰু জেং এণ্টাৰটেইনমেণ্টৰ যৌথ প্ৰযোজনাত নিৰ্মাণ কৰা হৈছে।

পৰিচালক ৰক্তিম কমল বৰুৱাৰ নেতৃত্বত নিৰ্মিত এই চলচ্চিত্ৰখনে অসমীয়া সংস্কৃতি আৰু কথনশৈলীৰ এটি অনন্য অভিজ্ঞতা দৰ্শকৰ আগত উপস্থাপন কৰিব।

উল্লেখযোগ্য ভাৱে, ছবিখনত অভিনয় কৰিছে জনপ্ৰিয় অভিনেতা কেনি বসুমতাৰী, হিমাংশু প্ৰসাদ দাস, বনি বসুমতাৰী আৰু বহু প্ৰতিভাবান শিল্পীয়ে। ইতিমধ্যেই দৰ্শকৰ মাজত উৎসাহৰ সৃষ্টি কৰিবলৈ সক্ষম হোৱা ছবিখনৰ সংগীতে হৃদয় জয় কৰিবলৈ সাজু হৈছে। অনুষ্ঠানত বিশিষ্ট অতিথি, অভিনেতা-অভিনেত্ৰী, আৰু কলা-কুশলী উপস্থিত থাকে। ছবিখন ১৭ জানুৱাৰী, ২০২৫ তাৰিখে মুক্তি লাভ কৰিব।

হিন্দুস্থান সমাচাৰ / আলোক চক্ৰৱৰ্তী