কলকাতা, ২১ জানুৱাৰী (হি.স.)। পশ্চিম বংগ চৰকাৰে ৰাজ্যখনৰ আৰ জি কৰ হাস্পতালৰ গোচৰত দোষী সাব্যস্ত হোৱা সঞ্জয় ৰায়ক সৰ্বাধিক শাস্তি নিশ্চিত কৰিবলৈ কলিকতা উচ্চ ন্যায়ালয়ৰ কাষ চাপিছে । মঙলবাৰে পুৱা এডভোকেট জেনেৰেল কিশোৰ দত্তই এই বিষয়ত ন্যায়াধীশ দেবাংশু বছাক আৰু ন্যায়াধীশ মহম্মদ শ্বব্বিৰ ৰছিদীৰ সংমণ্ডল বিচাৰপীঠৰ দৃষ্টি আকৰ্ষণ কৰে। আদালতে এই গোচৰৰ শুনানিৰ অনুমতি দিছে।
মুখ্যমন্ত্ৰী মমতা বেনাৰ্জীয়ে সোমবাৰে শিয়ালদহ আদালতৰ যাৱজ্জীৱন কাৰাদণ্ডক লৈ অসন্তুষ্টি প্ৰকাশ কৰে। যোৱা ৯ আগষ্টত আৰ জি কৰ গোচৰত মহিলা চিকিৎসকগৰাকীক বৰ্বৰতা আৰু হত্যাকাণ্ড সংঘটিত কৰাৰ পিছত মমতাই মৃত্যুদণ্ডৰ দাবীত ৰাজপথলৈ ওলাই আহিছে।
শিয়ালদহ আদালতৰ ন্যায়াধীশ অনিৰ্বন দাসে তেওঁৰ ৰায়দানত কয় যে “যাৱজ্জীৱন কাৰাদণ্ডই নিয়ম, আনহাতে মৃত্যুদণ্ডৰ ব্যতিক্ৰম”। তেওঁ লগতে লিখিছে যে ন্যায় ব্যৱস্থাই চকুৰ সলনি চকু বা জীৱনৰ সলনি জীৱনৰ দৰে প্ৰতিশোধমূলক প্ৰৱণতাৰ পৰা আঁতৰি থাকিব লাগিব।
हिन्दुस्थान समाचार / Monoj Kumar Saikia
