নতুন দিল্লী, ০৫ ছেপ্টেম্বৰ (হি.স.) । প্ৰধানমন্ত্ৰী শ্ৰী নৰেন্দ্ৰ মোদীয়ে আজি প্ৰাক্তন ৰাষ্ট্ৰপতি ড০ সৰ্বপল্লী ৰাধাকৃষ্ণণৰ জন্ম জয়ন্তীত শ্ৰদ্ধাঞ্জলি জ্ঞাপন কৰে। তেওঁ শিক্ষকসকলকো ধন্যবাদ জনাইছিল।

উল্লেখ্য যে ভাৰতত, ড. সৰ্বপল্লী ৰাধাকৃষ্ণণৰ জন্ম জয়ন্তীৰ দিনটোত প্ৰতি বছৰে শিক্ষক দিৱস পালন কৰা হয়। প্ৰধানমন্ত্ৰী শ্ৰী নৰেন্দ্ৰ মোদীয়ে ৰাতিপুৱা তেওঁৰ এক্স হেণ্ডেলত লিখিছিল, শিক্ষক দিৱসৰ শুভেচ্ছা। এয়া যুৱ মনক গঢ় দিয়া সকলো শিক্ষকৰ প্ৰতি কৃতজ্ঞতা প্ৰকাশ কৰাৰ এক উপলক্ষ । ড০ সৰ্বপল্লী ৰাধাকৃষ্ণণৰ জন্ম জয়ন্তীত শ্ৰদ্ধাঞ্জলি।

লগতে শিক্ষক দিৱসৰ প্ৰাকমুহূৰ্তত ৰাষ্ট্ৰপতি দ্ৰৌপাদি মুৰ্মুৱে সমগ্ৰ দেশৰ শিক্ষকসকলক শুভেচ্ছা জ্ঞাপন কৰে। ৰাষ্টপতিয়ে তেওঁৰ বাৰ্তাত কয়, এই দিনটোত এজন মহান শিক্ষাবিদ, দাৰ্শনিক আৰু প্ৰাক্তন ৰাষ্ট্ৰপতি ড০ সৰ্বপল্লী ৰাধাকৃষ্ণণৰ জন্ম জয়ন্তী উদযাপন কৰা হয়। এই দিনটো সমগ্ৰ দেশৰ বাবে অনুপ্ৰেৰণাৰ এক ডাঙৰ উৎস। মুৰ্মুৱে এই উপলক্ষে ড০ ৰাধাকৃষ্ণণক শ্ৰদ্ধাঞ্জলি জ্ঞাপন কৰে।

হিন্দুস্থান সমাচাৰ

হিন্দুস্থান সমাচাৰ / মনোজ কুমাৰ শইকীয়া