দোহা, ২৩ এপ্ৰিল (হি.স.)। দোহাত সোমবাৰে অনুষ্ঠিত ২৩ বছৰ অনুৰ্ধ এছিয়ান কাপৰ অন্তিমখন গ্ৰুপ মেচত সংযুক্ত আৰব আমিৰশ্বাহীক ২-১ গ’লত পৰাস্ত কৰি চীনে এটা জয় আৰু দুটা পৰাজয়ৰ সৈতে প্ৰতিযোগিতাখনৰ পৰা বাহিৰ হয়।
ইতিমধ্যে জাপান আৰু দক্ষিণ কোৰিয়াৰ হাতত পৰাস্ত হোৱাৰ পিছত গ্ৰুপৰ পৰা আগবাঢ়ি যোৱাৰ সুযোগ হেৰুৱাই পেলোৱা চীনৰ মুখ্য প্ৰশিক্ষক চেং ইয়াওডঙে পূৰ্বৰ মেচখনৰ পৰা আৰম্ভণিৰ লাইনআপত মাত্ৰ এটা পৰিৱৰ্তনহে কৰিছিল, সেইমতে, হুয়াং জিহাওৰ ঠাইত লি হাওৱে খেলিছিল।
টুৰ্ণামেণ্টৰ প্ৰথমটো গ’ল চীনৰ হৈ ২৪ মিনিটত জি ৱেনেঙে কৰ্ণাৰ এটাৰ পিছত বক্সৰ ভিতৰত নিজৰ উৎকৃষ্ট শ্বটেৰে বলটো গ’ল পোষ্টৰ ভিতৰলৈ পঠিয়াই দিয়ে।
ইউ এ ইৰ ডিফেণ্ডাৰসকলৰ ভুলৰ বাবেই চীনৰ দ্বিতীয়টো গ’ল, ইউ এ ইৰ ডিফেণ্ডাৰসকলৰ ভুলৰ সুযোগ লৈ লিউ জুৰুনে বলটো দখল কৰি গ’ল পোষ্টত ভৰাই হাফটাইমৰ ঠিক আগতেই চীনক ২-০ গ’লত অগ্ৰগতি প্ৰদান কৰে .
দ্বিতীয়াৰ্ধত আহমেদ ফাউজীৰ জৰিয়তে ইউ এ ইয়ে গ’ল দি ২-১ গ’লত অগ্ৰগতি লাভ কৰে। কিন্তু ইয়াৰ পাছত দলটোৱে সমতা স্থাপনৰ গ’ল দিব নোৱাৰিলে আৰু চীনে ২-১ গ’লত জয়লাভ কৰে৷
গ্ৰুপ বিৰ আনখন খেলত দক্ষিণ কোৰিয়াই জাপানক ১–০ গ’লত পৰাস্ত কৰি গ্ৰুপৰ শীৰ্ষস্থান দখল কৰাৰ বিপৰীতে জাপানেও দ্বিতীয় স্থান দখল কৰি নকআউট পৰ্যায়লৈ যোগ্যতা অৰ্জন কৰে।
বাকী আঠটা যোগ্যতাসম্পন্ন দলে ২০২৪ চনৰ পেৰিছ অলিম্পিক গেমছৰ তিনিটা প্ৰত্যক্ষ টিকটৰ বাবে প্ৰতিযোগিতাত অংশগ্ৰহণ কৰাৰ বিপৰীতে চতুৰ্থ স্থানৰ দলটোৱে চূড়ান্ত অলিম্পিক স্থানৰ বাবে প্লে অফত গিনিৰ বিৰুদ্ধে খেলিব।
হিন্দুস্থান সমাচাৰ / সুনীল/মনোজ
