- উদীয়মান প্ৰতিৰক্ষা উৎপাদন উদ্যোগক সহায় কৰিবলৈ পুনৰ্গঠনৰ সিদ্ধান্ত
- প্ৰতিৰক্ষা পৰীক্ষা আৰু মূল্যায়ন প্ৰসাৰ সঞ্চালকালয় পৃথকে পৃথকে গঠন
নতুন দিল্লী, ২৮ মাৰ্চ (হি.স.) । ‘ইজ অফ ডুয়িং বিজিনেছ’(ব্যৱসায় কৰা)ত সহজতা বৃদ্ধি আৰু প্ৰতিৰক্ষা খণ্ডত আত্মনিৰ্ভৰশীলতা লাভৰ বাবে গুণগত নিশ্চয়তা সঞ্চালকালয়ৰ পুনৰ্গঠন কৰাৰ সিদ্ধান্ত লোৱা হৈছে। প্ৰতিৰক্ষা উৎপাদন বিভাগেও বৃহস্পতিবাৰে ইয়াৰ বাবে এক অধিসূচনা জাৰি কৰিছে। ইয়াৰ উদ্দেশ্য হৈছে গুণগত পৰীক্ষাৰ গতি বৃদ্ধি কৰা আৰু সিদ্ধান্ত গ্ৰহণৰ বিভিন্ন স্তৰত অপ্ৰয়োজনীয় পলম হ্ৰাস কৰা। অৰ্ডানেন্স ফেক্টৰী ব’ৰ্ড (অ’এফবি)ৰ কৰ্পৰেটাইজেচনৰ পিছত পুনৰ্গঠনৰ বাবে ডিজিকিউএৰ ভূমিকাও সলনি হ’ব।
প্ৰতিৰক্ষা মন্ত্ৰালয়ৰ তথ্য অনুসৰি অস্ত্ৰ-শস্ত্ৰ কাৰখানাসমূহক নতুন ডিপিএছইউলৈ নিগমকৰণৰ বাবে ব্যক্তিগত প্ৰতিৰক্ষা উদ্যোগৰ অংশগ্ৰহণ বৃদ্ধি পাইছে। উদীয়মান প্ৰতিৰক্ষা উৎপাদন উদ্যোগক সহায় কৰিবলৈ ডিজিকিউএক পুনৰ্গঠন কৰাৰ প্ৰয়োজনীয়তা অনুভৱ কৰা হৈছিল। প্ৰতিৰক্ষা উৎপাদন পৰিৱেশ তন্ত্ৰৰ সকলো অংশীদাৰৰ সৈতে সক্ৰিয় আলোচনাৰ অন্তত ইতিমধ্যে প্ৰতিষ্ঠানটোৱে বিভিন্ন সাংগঠনিক আৰু কাৰ্য্যকৰী সংস্কাৰৰ কাম হাতত লৈছে। পুনৰ্গঠনৰ পিছত সমগ্ৰ সঁজুলি আৰু অস্ত্ৰ মঞ্চৰ বাবে সকলো স্তৰতে গুণগত মানৰ একাকাৰীতা থাকিব। প্ৰতিৰক্ষা পৰীক্ষণ আৰু মূল্যায়ন প্ৰচাৰৰ বাবেও সুকীয়া সঞ্চালকালয় গঠনৰ পৰিকল্পনা কৰা হৈছে।
এই ব্যৱস্থাৰ লগতে স্বয়ংক্ৰিয় আৰু মানক নিশ্চয়তা প্ৰক্ৰিয়াৰ ডিজিটেলাইজেচনে ডিজিকিউএৰ সৈতে প্ৰতিৰক্ষা উদ্যোগৰ সংযোগ যথেষ্ট উন্নত কৰাৰ সম্ভাৱনা আছে। পুনৰ্গঠন কৰা গাঁথনি আৰু চলি থকা কাৰ্য্যকৰী সংস্কাৰে দেশৰ উৎপাদকসকলক পথ প্ৰদৰ্শন কৰিবলৈ ভাৰতীয় মানদণ্ডৰ উপলব্ধতাৰে ‘আত্মনিৰ্ভৰ ভাৰত’ৰ অধীনত খিলঞ্জীয়াকৰণ অভিযানক জোৰদাৰ কৰি তুলিব। ইয়াৰ দ্বাৰা উচ্চমানৰ যোগ্য প্ৰতিৰক্ষা সামগ্ৰীৰ ৰপ্তানিও উৎসাহিত হ’ব।
হিন্দুস্থান সমাচাৰ/সূনীত/মনোজ
