গোলাঘাট,২৯ ডিচেম্বৰ (হি.স.)। বোকাখাত সমজিলাৰ কুৰুৱাবাহী নতুন খতিয়াখলিত বনৰীয়া ম'হৰ আতংক। কাজিৰঙা ৰাষ্ট্ৰীয় উদ্যানৰ পৰা জনাঞ্চললৈ ওলাই অহা এটা প্ৰকাণ্ড গোনা ম'হ পুৱাই দেখিলে গঁঞাই। নতুন খতিয়াখলিৰ নতুন বিলৰ পাৰত ম'হটো দেখি ভীতিগ্ৰস্ত হৈ পৰিছে কৃষক ৰাইজ।

কাজিৰঙা ৰাষ্ট্ৰীয় উদ্যানৰ বোকাখাত বনাঞ্চলিক বিষয়াৰ তৎপৰতাত বনকৰ্মীয়ে পহৰা দি ৰাখিছে বনৰীয়া ম'হটোক। কিছু দিন পুৰ্বে একেদিনাই ৫ জনকৈ লোকক উদ্যানৰ পৰা ওলাই অহা এটা বনৰীয়া ম'হে আক্ৰমণ কৰি আহত কৰিছিল। আক্ৰমনাত্মক সেই বনৰীয়া ম'হটো বুলিয়ে স্থানীয় ৰাইজ আতংকিত হৈছে।

হিন্দুস্থান সমাচাৰ / প্ৰকাশ ডেকা