নতুন দিল্লী, ২৭ ডিচেম্বৰ (হি.স.)। নিখিল ভাৰতীয় বনবাসী কল্যাণ আশ্ৰমে প্ৰাক্তন প্ৰধানমন্ত্ৰী ড০ মনমোহন সিঙৰ মৃত্যুত শোক প্ৰকাশ কৰি তেওঁ কয় যে জনজাতীয় সমাজৰ প্ৰতি তেওঁৰ সংবেদনশীলতাৰ বাবে তেওঁক সদায় স্মৰণীয় হৈ থাকিব। প্ৰধানমন্ত্ৰী হৈ থকাৰ সময়ত তেওঁ ২০০৬ চনত বন অধিকাৰ আইন প্ৰণয়নত গুৰুত্বপূৰ্ণ ভূমিকা পালন কৰিছিল।

নিখিল ভাৰতীয় বনবাসী কল্যাণ আশ্ৰমৰ ৰাষ্ট্ৰীয় সভাপতি সত্যেন্দ্ৰ সিঙে প্ৰেৰণ কৰা শোক বাৰ্তাত কোৱা হৈছে যে জনজাতীয় সমাজৰ সমস্যাৰ প্ৰতি থকা সংবেদনশীলতাৰ বাবেও ড° মনমোহন সিঙক স্মৰণ কৰা হ’ব। জনজাতীয় সমাজৰ ওপৰত কৰা ঐতিহাসিক অন্যায় শুধৰণিৰ বাবে ২০০৬ চনত বন অধিকাৰ আইনখনৰ খচৰা প্ৰস্তুত কৰাত তেওঁ গুৰুত্বপূৰ্ণ ভূমিকা পালন কৰিছিল। জনজাতীয় সমাজৰ পৰিকল্পিত শোষণক লৈও তেওঁ কেইবাবাৰো উদ্বেগ প্ৰকাশ কৰিছিল। ড° মনমোহন সিং জীৰ বিয়োগত শোক প্ৰকাশ কৰাৰ লগতে তেখেতৰ স্মৃতিত আন্তৰিক শ্ৰদ্ধাঞ্জলি জ্ঞাপন কৰিছে অল ইণ্ডিয়া বনৱাসী কল্যাণ আশ্ৰমে।

শোক বাৰ্তাটোত কোৱা হৈছে যে দেশে অৰ্থনৈতিক উন্নয়ন ত্বৰান্বিত কৰা এজন মহান অৰ্থনীতিবিদক হেৰুৱাইছে।

প্ৰথম অৱস্থাত অৰ্থনীতিৰ কেৰিয়াৰ গঢ়ি তোলা ড০ সিঙে বিত্তমন্ত্ৰী হিচাপে দেশৰ অৰ্থনৈতিক বিকাশ ত্বৰান্বিত কৰাৰ বাবে লোৱা পদক্ষেপৰ বাবেই অৰ্থনৈতিক উন্নয়নৰ পথ প্ৰদৰ্শক হিচাপে স্বীকৃতি লাভ কৰিছিল।

মনমোহন সিঙে ২০০৪ চনৰ পৰা ২০১৪ চনলৈ দেশৰ প্ৰধানমন্ত্ৰী হিচাপে কাৰ্যনিৰ্বাহ কৰাৰ সুযোগ পাইছিল। প্ৰতিকূল পৰিস্থিতিত বহু সংকটৰ সন্মুখীন হৈ প্ৰায় ১০ বছৰৰ কাৰ্যকালত তেওঁ দেশৰ উন্নয়নৰ বাবে বহু উপযুক্ত পদক্ষেপ গ্ৰহণ কৰিছিল, যিটো সমগ্ৰ দেশে সদায় মনত ৰাখিব।

হিন্দুস্থান সমাচাৰ / মনোজ কুমাৰ শইকীয়া