মৰিগাঁও, ২৭ ডিচেম্বৰ(হি.স.)। মৰিগাঁৱৰ সদৰ বিহুতলীত নাথ সাহিত্য সংস্কৃতি সন্মিলন আৰু নাথ সাহিত্য সভা অসমৰ উদ্যোগত মৰিগাঁও জিলা সমিতিৰ সহযোগত অনুষ্ঠিত হোৱা নাথ সাহিত্য সমাৰোহ ২০২৪ৰ প্ৰথম দিনাৰ কাৰ্যসূচী অনুসৰি আজি পুৱা পতাকা উত্তোলন, শ্বহীদ তৰ্পণ, বন্তি প্ৰজ্বলন, গ্ৰন্থ মেলাৰ প্ৰদৰ্শনীৰ দ্বাৰ মুকলি, স্বাস্থ্য শিৱিৰ মুকলি, ভোজনালয়ৰ দ্বাৰ মুকলি আৰু কবিতা পাঠৰ সম্পন্ন হয়।

এই ক্ষেত্ৰত গ্ৰন্থ আৰু প্ৰদৰ্শনীৰ দ্বাৰ মুকলি কৰি মৰিগাঁৱৰ জিলা আয়ুক্ত দেৱাশীষ শৰ্মাই দুদিনীয়াকৈ অনুষ্ঠিত হোৱা নাথ সাহিত্য সভাৰ প্ৰতিটো কাৰ্যসূচী সুচাৰুৰূপে সমাপন হোৱাৰ শুভ কামনা জ্ঞাপন কৰে।

হিন্দুস্থান সমাচাৰ / কিশোৰ মিশ্ৰ