মেলবৰ্ণ, ২৬ ডিচেম্বৰ (হি.স.)। ভাৰতৰ বিৰুদ্ধে বক্সিং ডে’ টেষ্টত অষ্ট্ৰেলিয়াৰ হৈ অভিষেক ঘটোৱা যুৱ অ’পেনাৰ ছেম কনষ্টাছে বৃহস্পতিবাৰে মেলবৰ্ণ ক্ৰিকেট খেলপথাৰত ৬০ ৰানৰ বিস্ফোৰক ইনিংছেৰে শিৰোনাম দখল কৰে। খেলপথাৰত থকাৰ সময়ছোৱাত কনষ্টাছে কিছুমান বিস্ফোৰক শ্বট মাৰে, বিশেষকৈ জছপ্ৰিত বুমৰাহৰ বলত বেটখন তীব্ৰভাৱে দোল খাইছিল। অৱশ্যে খেলপথাৰত বিৰাট কোহলীৰ সৈতেও তীব্র বাকযুদ্ধ হৈছিল ১৯ বছৰীয়া অ’পেনাৰগৰাকীয়ে ৷

বৰ্খাস্ত হোৱাৰ পিছত কনষ্টাছে খেলপথাৰত কোহলীৰ লগত কি হৈছিল সেই কথা বৰ্ণনা কৰি কয় যে আৱেগে দুয়োকে আগুৰি ধৰিছে। টেষ্ট ক্ৰিকেটৰ প্ৰথমখন মেচত অৰ্ধশতক অৰ্জন কৰি খেলপথাৰৰ বাহিৰত হাঁহি আছিল কনষ্টাছে। কোহলীৰ সৈতে জড়িত ঘটনা সন্দৰ্ভত এইগৰাকী যুৱ খেলুৱৈৰ কোনো অভিযোগ নাই।

সম্প্ৰচাৰক ৭ক্ৰিকেটৰ সৈতে হোৱা এক সাক্ষাৎকাৰত কনষ্টেন্সে কয় যে, মই ভাবো আমাৰ দুয়োৰে আৱেগ প্ৰভাৱিত হৈছিল। মই গ্ল'ভছ পিন্ধি থকাৰ বাবেই গম পোৱা নাছিলো। কিন্তু, ক্ৰিকেটত এনেকুৱা হয়। বুমৰাহৰ বিৰুদ্ধে কনষ্টাছক তেওঁৰ পৰিকল্পনা সন্দৰ্ভতো সোধা হৈছিল, য’ত তেওঁ কয়, ‘মোৰ কোনো পৰিকল্পনা নাছিল, মই ভাল ক্ৰিকেট শ্বট খেলিবলৈ ওলাইছিলো, কিন্তু বুমৰাহ নিশ্চিতভাৱে এজন বিশ্বমানৰ বলাৰ আৰু হয়, তেওঁৰ ওপৰত হেঁচা দিয়াটো গুৰুত্বপূৰ্ণ . মূল কথাটো আছিল তেওঁলোকৰ কৌশল সলনি কৰিবলৈ চেষ্টা কৰা।

हिन्दुस्थान समाचार / Monoj Kumar Saikia