কলকাতা, ২৯ নৱেম্বৰ (হি.স.)। ইষ্ট বেংগল এফ চিয়ে শুকুৰবাৰে সন্ধিয়া নিজৰ ঘৰুৱা খেলপথাৰ যুৱ ভাৰতী ক্ৰীড়াংগন (ভি ৱাই বি কে)ত নৰ্থইষ্ট ইউনাইটেড এফ চিক আদৰিব। এই মেচত আয়োজক দলটোৱে ২০২৪-২৫ চনৰ ইণ্ডিয়ান ছুপাৰ লীগ (আই এছ এল)ত জয়ৰ সোৱাদ লোৱাৰ লক্ষ্য ৰাখিব আৰু হাইলেণ্ডাৰছৰ উৎকৃষ্ট ফৰ্ম অব্যাহত ৰাখি তিনিওটা পইণ্ট সংগ্ৰহ কৰিবলৈ ভাল পায়।

নৰ্থইষ্ট ইউনাইটেড এফ চিয়ে চাৰিখন জয়, ৩খন ড্ৰ’ আৰু দুখন পৰাজয়ৰে ৯খন খেলৰ পৰা ১৫ পইণ্ট লাভ কৰি তৃতীয় স্থানত আছে । তেওঁলোকে ২১টা গ’ল দিছে আৰু মাত্ৰ ১৫টা গ’লহে খাইছে। বিগত পাঁচখন মেচত এখনত পৰাস্ত হৈছে।

ইফালে ১৩টা দলৰ তালিকাত ইষ্ট বেংগল এফ চিয়ে ৭খন মেচ, এখন ড্র আৰু ৬খন পৰাজয়ৰ পৰা মাত্ৰ এটা পইণ্ট লাভ কৰি নিম্নতম দল হৈ আছে ৷ অৱশ্যে কলকাতা ডাৰ্বিত মহম্মেদান এছ চিৰ বিৰুদ্ধে গ’লবিহীন ড্ৰ’ত প্ৰথম পইণ্ট লাভ কৰি এতিয়া ঘৰুৱা উৎসাহী দৰ্শকৰ সন্মুখত তিনিওটা পইণ্ট লাভ কৰিবলৈ চেষ্টা কৰিব।

ইষ্ট বেংগলৰ নৰ্থইষ্ট ইউনাইটেড এফ চিৰ বিৰুদ্ধে ইতিবাচক অভিলেখ আছে, ২০২৪ চনৰ ১০ ফেব্ৰুৱাৰীত শেহতীয়া মুখামুখি হোৱা খেলখনত ২-৩ গ’লত পৰাস্ত হৈছিল যদিও তাৰ পূৰ্বে দুবাৰ জয় আৰু এবাৰ ড্ৰ’ হৈছে।

এই ছিজনত ৰেড এণ্ড গোল্ড ব্ৰিগেডে খেলৰ প্ৰথম ১৫ মিনিটত মাত্ৰ এটা গ’লহে হেৰুৱাইছে। কিন্তু, এই সময়ছোৱাত তেওঁলোকে গ’ল দিব পৰা নাই ৷

যোৱা চাৰিখন মেচত নৰ্থইষ্ট ইউনাইটেডে তিনিখন জয় আৰু এখন ড্ৰ’ কৰিছে। হাইলেণ্ডাৰছৰ মেচত গড়ে মাত্ৰ ৪১% প’ছেছন লাভ কৰিছে যদিও ইয়াৰ পিছতো এই ছিজনত সৰ্বাধিক ২১টা গ’ল দিছে

ইষ্ট বেংগলৰ স্পেনিছ মুখ্য প্ৰশিক্ষক অস্কাৰ ব্ৰুজনে নৰ্থইষ্ট ইউনাইটেড এফ চিৰ বিৰুদ্ধে ঘৰুৱা দলটোৱে নিজৰ ঘৰুৱা কাম সঠিকভাৱে কৰা বুলি আশ্বাস দিয়ে।

তেওঁ কয়, ‘নৰ্থইষ্ট ইউনাইটেড এফ চিৰ আক্ৰমণাত্মক শক্তিৰ বিৰুদ্ধে আমি অকাৰ্যকৰী হ’ম বুলি মই নাভাবো, কিন্তু তেওঁলোকে অধিক গ’ল দিয়াৰ চেষ্টা কৰিবলৈ আহিছে। কিন্তু আমি আমাৰ শ্ৰেষ্ঠ খেল দেখুৱাবলৈ চেষ্টা কৰিম আৰু মেচখন জয়ী হ’ম।”

নৰ্থইষ্ট ইউনাইটেড এফ চিৰ স্পেইনৰ মুখ্য প্ৰশিক্ষক জুয়ান পেড্ৰ’ বেনালিয়ে কয় যে এই মেচত আক্ৰমণাত্মকতা আৰু ৰক্ষণশীল অনুশাসনৰ মাজত ভাৰসাম্য ৰক্ষা কৰাটো গুৰুত্বপূৰ্ণ হ’ব।

তেওঁ কয়, ‘প্ৰতিখন মেচ বেলেগ বেলেগ। আমি গ’ল দিয়াৰ অধিক সুযোগ সৃষ্টি কৰিব লাগিব আৰু লগতে তেওঁলোকক তেনে কৰাত বাধা দিব লাগিব। এয়াই আমাৰ লক্ষ্য।”

উল্লেখ্য যে আই এছ এলত দুয়োটা দলৰ মাজত আঠবাৰ সংঘৰ্ষ হৈছে, য’ত নৰ্থ ইষ্ট ইউনাইটেড এফ চি আৰু ইষ্ট বেংগল এফ চিয়ে ক্ৰমে চাৰিখন আৰু দুখন মেচত জয়লাভ কৰিছে। দুখন মেচ ড্ৰ’ হয়।

হিন্দুস্থান সমাচাৰ / মনোজ কুমাৰ শইকীয়া