নগাঁও, ০২ নৱেম্বৰ (হি.স.): নগাঁও জিলাৰ কচুৱাৰ আলিটাঙনিত ৰাইজে আটক কৰে এটা চোৰক। যোৱা নিশা চুৰ কৰিবলৈ অহা চোৰক হাতে লোতে ধৰিলে ৰাইজে। ৰাইজে আটক কৰা চোৰটোৰ নাম নজৰুল ইছলাম বুলি জানিব পৰা গৈছে।

নগাঁৱৰ কচুৱা থানাৰ অন্তৰ্গত আলিটাঙনী গাঁৱত পুৱতি নিশা চুৰ কৰিবলৈ অহা চোৰক ৰাইজে হাতে লোতে ধৰি উত্তম মাধ্যম দি কচুৱা আৰক্ষীক চমজাই দিয়ে। অভিযোগ অনুসৰি আব্দুল হাসিম নামৰ লোকজনৰ ঘৰতে বাহৰ পাতি গভাইত চোৰটোৱে নিশা কচুৱাৰ বিভিন্ন অঞ্চলত এই চুৰি কাণ্ড সংঘটিত কৰি আহিছে । গাড়ীৰ বেটাৰী, চাইকেল, মবাইল ইত্যাদি চুৰি কৰি নি বিক্ৰী কৰাৰ অভিযোগ উত্থাপিত হৈছে। বহু কেইটা চুৰি কৰা ঘটনাও স্বীকাৰ কৰে চোৰটোৱে। চোৰটোক কঠোৰ শাস্তি প্ৰদান কৰিবলৈ আৰক্ষীক দাবী জনাইছে ৰাইজে।

হিন্দুস্থান সমাচাৰ / কিশোৰ মিশ্ৰ