বলীউডৰ বহু আগশাৰীৰ অভিনেতাই পান মছলাৰ বিজ্ঞাপন কৰি থাকোঁতে ট্ৰ’ল হয়। অজয় দেৱগন, শ্বাহৰুখ খান, অক্ষয় কুমাৰ, টাইগাৰ শ্ৰফক সমালোচনা কৰা হৈছে। ট্ৰলিঙৰ বাবে ক্ষমা বিচৰাৰ পিছত তেওঁ এনে বিজ্ঞাপন কৰা বন্ধ কৰি দিলে। এতিয়া অনিল কাপুৰেও নাকচ কৰিছে পান মছলাৰ বিজ্ঞাপন। কোটি কোটি টকাৰ এই প্ৰস্তাৱ তেওঁ নাকচ কৰিছে।
খবৰ অনুসৰি অনিল কাপুৰে নাকচ কৰিছে এটা ডাঙৰ পান মছলাৰ বিজ্ঞাপন। অনুৰাগী আৰু দৰ্শকৰ প্ৰতি থকা দায়িত্বৰ কথা মনত ৰাখি তেওঁ বিজ্ঞাপনৰ প্ৰস্তাৱ নাকচ কৰিছিল। তেওঁ কয় যে যিমানেই টকা নাপাওক কিয়, মানুহৰ স্বাস্থ্যৰ প্ৰতি ভাবুকি কঢ়িয়াই অনা কোনো সামগ্ৰীৰ প্ৰচাৰ নকৰে। ৬৭ বছৰ বয়সতো অতি ফিট অনিল কাপুৰ। তেওঁৰ চেহেৰা দেখি বহুতে মন্তব্য কৰে যে তেওঁ সৰু হৈ আহিছে। তেওঁ স্বাস্থ্যসন্মত খাদ্য আৰু জীৱনশৈলীৰ প্ৰসাৰ ঘটায়। সেইবাবেই তেওঁ ব্ৰেণ্ড এণ্ডাৰছমেণ্ট অতি চিন্তাশীলভাৱে কৰে। তেওঁ কেতিয়াও এনে কোনো বিজ্ঞাপন নকৰে যাৰ ফলত কাৰো ক্ষতি হয়।
আনহাতে বলীউডত পান মছলাৰ বিজ্ঞাপনৰ বাবে অভিনেতাক ট্ৰ’ল কৰা হয়। দক্ষিণৰ অভিনেতাসকলে আজিলৈকে কেতিয়াও এনে প্ৰডাক্টৰ প্ৰচাৰ কৰা নাই। ৰজনীকান্ত, কমল হাছানে কেৰিয়াৰৰ প্ৰাৰম্ভিক দিনত এনে বিজ্ঞাপন নকৰাৰ সিদ্ধান্ত লৈছিল। ইয়াৰ পিছত সকলো শিল্পীয়ে এই নিয়ম মানি চলিছিল।
হিন্দুস্থান সমাচাৰ / অৰৱিন্দ
