ইমৰাণ হাছমীৰ বহু প্ৰত্যাশিত ছবি আৱাৰাপন ২ৰ ট্ৰেইলাৰ মুক্তি পালে। প্ৰায় ১৯ বছৰৰ পিছত ইমৰাণ হাছমীয়ে নিজৰ জনপ্ৰিয় চৰিত্ৰ শিৱম পণ্ডিত হিচাপে ডাঙৰ পৰ্দালৈ ঘূৰি আহিছে। বিষেশ ফিল্মছৰ বেনাৰত নিৰ্মিত এই একচন-থ্ৰিলাৰৰ ট্ৰেইলাৰত প্ৰতিশোধ, মুক্তি, আৰু আৱেগিক সংগ্ৰামৰ বিষয়বস্তুৰ আভাস পোৱা গৈছে। শক্তিশালী একচন, গভীৰ আৱেগ, পটভূমি সংগীতে দৰ্শকৰ মাজত এক হুলস্থুলৰ সৃষ্টি কৰিছে। শিৱমক অধিক পৰিপক্ক আৰু তেওঁৰ অতীতৰ বোজাদাৰ যেন লাগে, যিয়ে কাহিনীটোক প্ৰথম খণ্ডৰ সৈতে সংযোগ কৰে।
ছবিখনত ইমৰাণ হাছমীৰ সৈতে দিশা পাটানীয়ে জাৰাৰ চৰিত্ৰত অভিনয় কৰাৰ বিপৰীতে শ্বাবানা আজমীয়ে নাফিছাৰ গুৰুত্বপূৰ্ণ চৰিত্ৰত অভিনয় কৰিব। পুৰাণ গাব্বি, অনিৰুদ্ধ ৰাৱাল, সুৰেন্দ্ৰ বিকি, বিজয়ন্ত কোহলী, আৰু অতুল কুমাৰকো গুৰুত্বপূৰ্ণ চৰিত্ৰত দেখা যাব। নীতিন কক্কৰৰ পৰিচালনাৰে নিৰ্মিত ছবিখনৰ কাহিনী ৰচনা কৰিছে বিলাল ছিদ্দিকীয়ে। এই ছবিখন কেৱল ছিকুৱেল নহয়, শিৱম পণ্ডিতৰ অসমাপ্ত কাহিনীৰ আৱেগিক আৰু ৰোমাঞ্চকৰ সম্প্ৰসাৰণ বুলি প্ৰযোজকসকলে দাবী কৰে।
ছবিখনৰ সংগীতকো এটা ডাঙৰ আলোকপাত হিচাপে গণ্য কৰা হয়। মিথুন, জীত গাংগুলী, অমল মালিক, অখিল সচদেৱ, আৰু ৱাছিফ আহমেদৰ সংগীতৰ গীতৰ কথা ছাইদ কোৱাদ্ৰী, ৰশ্মী বিৰাগ, অখিল সচদেৱ, আৰু শচীন সিং চাণ্ডেলে। ট্ৰেইলাৰত প্ৰদৰ্শিত তেৰা মেৰা ৰিষ্ঠা গীতটোৱেও দৰ্শকৰ দৃষ্টি আকৰ্ষণ কৰিছে। মুকেশ ভাট আৰু বিষেশ ফিল্মছৰ দ্বাৰা উপস্থাপিত আৱাৰাপন ২ প্ৰযোজনা কৰিছে বিষেশ ভাট। ২০২৬ চনৰ ১৪ আগষ্টত বিশ্বৰ চিনেমাগৃহত মুক্তি পাব ছবিখন।
--------------
হিন্দুস্থান সমাচাৰ / অৰৱিন্দ
