- চিকাগোত অগ্ৰণী বিনিয়োগকাৰী আৰু ব্যৱসায়িক নেতাসকলৰ সৈতে উচ্চ পৰ্যায়ৰ ব্যৱসায়িক গোলমেজ

নতুন দিল্লী/ৱাশ্বিংটন, ২৯ আগষ্ট (হি.স.)। কেন্দ্ৰীয় বিত্তমন্ত্ৰী নিৰ্মলা সীতাৰমণে বিশ্বৰ বিনিয়োগকাৰীক ভাৰতত উৎপাদন ঘাটি আৰু প্ৰযুক্তি আৰু উদ্ভাৱন কেন্দ্ৰ স্থাপনৰ বাবে আমন্ত্ৰণ জনাই ভাৰতৰ প্ৰতিভা আৰু বিশ্বৰ বাবে সৃষ্টিৰ সুযোগৰ লাভ উঠাবলৈ আহ্বান জনায়।

বিত্তমন্ত্ৰীৰ কাৰ্যালয়ে শনিবাৰে এক্স-প’ষ্টত প্ৰকাশ কৰা অনুসৰি শুকুৰবাৰে চিকাগোৰ আগশাৰীৰ বিনিয়োগকাৰী আৰু ব্যৱসায়িক নেতাসকলৰ সৈতে উচ্চ পৰ্যায়ৰ ব্যৱসায়িক গোলমেজ বৈঠকত ভাষণ দি সীতাৰমনে এই মন্তব্য কৰে। ভাষণত বিত্তমন্ত্ৰীয়ে ভাৰতৰ শক্তিশালী বৃদ্ধিৰ হাৰ, সংস্কাৰৰ গতি, আৰু দীৰ্ঘম্যাদী বিনিয়োগৰ ক্ৰমবৰ্ধমান সুযোগৰ ওপৰত গুৰুত্ব আৰোপ কৰে।

সীতাৰমনে ভাৰতত উৎপাদন ঘাটি আৰু প্ৰযুক্তি আৰু উদ্ভাৱন কেন্দ্ৰ স্থাপনৰ বাবে বিশ্বব্যাপী বিনিয়োগকাৰীক আমন্ত্ৰণ জনায়। তেওঁ তেওঁলোকক ভাৰতৰ প্ৰতিভা আৰু বিশ্বৰ বাবে উৎপাদনৰ সুযোগৰ লাভ উঠাবলৈ আহ্বান জনায়। চিকাগোস্থিত ভাৰতীয় কনছুলেট জেনেৰেলৰ উদ্যোগত আমেৰিকা-ভাৰত কৌশলগত অংশীদাৰিত্ব মঞ্চ (ইউএছআইএছএফ)ৰ সহযোগত এই গোলটেবুলৰ আয়োজন কৰা হয়। বৈঠকত মেকিং ইন ইণ্ডিয়া - ফৰ ইণ্ডিয়া এণ্ড দ্য ৱৰ্ল্ডৰ ওপৰত গুৰুত্ব আৰোপ কৰা হয় আৰু উৎপাদন, কৃত্ৰিম বুদ্ধিমত্তা (এআই) আৰু ডিজিটেল, বিত্তীয় সেৱা, আন্তঃগাঁথনি, খাদ্য প্ৰক্ৰিয়াকৰণ, প্ৰতিৰক্ষা, আৰু উন্নত প্ৰযুক্তিৰ দৰে খণ্ডৰ সুযোগৰ বিষয়ে আলোচনা কৰা হয়।

ভাষণৰ সময়ত সীতাৰমণে এই কথাত গুৰুত্ব আৰোপ কৰে যে ভাৰতত বিনিয়োগৰ সম্ভাৱনা এটা খণ্ডৰ ওপৰত ভিত্তি কৰি নহয়, বৰঞ্চ বিগত দশকত পৰিসৰ, বৃদ্ধি, প্ৰতিভা, আন্তঃগাঁথনি, প্ৰযুক্তি, আৰু নিৰন্তৰ সংস্কাৰৰ সংমিশ্ৰণৰ ওপৰত ভিত্তি কৰি গঢ় লৈ উঠিছে। বিনিয়োগকাৰীসকলক সম্বোধন কৰি কেন্দ্ৰীয় বিত্তমন্ত্ৰীয়ে ভাৰত কিয়, এতিয়া কিয় বিষয়ত ভাষণ দি শক্তিশালী ঘৰুৱা চাহিদা, বিনিয়োগৰ নেতৃত্বত বৃদ্ধি, সামষ্টিক অৰ্থনৈতিক শক্তি, বৃহৎ প্ৰতিভাৰ পুল, আৰু দ্ৰুতগতিত সম্প্ৰসাৰিত ডিজিটেল আৰু ভৌতিক আন্তঃগাঁথনিৰ ওপৰত আলোকপাত কৰে।

তেওঁ কয় যে বিশ্বৰ কোম্পানীসমূহে নিজৰ যোগান শৃংখল আৰু মূলধন আবণ্টনৰ পুনৰ মূল্যায়ন কৰাৰ লগে লগে ভাৰতে কেৱল এখন ডাঙৰ বজাৰ হিচাপেই নহয়, দীৰ্ঘম্যাদী বিনিয়োগ আৰু পৰিচালনাৰ মঞ্চ হিচাপেও গুৰুত্ব বৃদ্ধি পাইছে। অন্যান্য বিষয়ৰ লগতে বিত্তমন্ত্ৰী নিৰ্মলা সীতাৰমণে ভাৰতত কেইবাটাও খণ্ডত ঘটি থকা পৰিৱৰ্তনৰ ওপৰত আলোকপাত কৰে।

হিন্দুস্থান সমাচাৰ / মনোজ কুমাৰ শইকীয়া