ৱেলকাম ফ্ৰেঞ্চাইজিৰ স্মৰণীয় চৰিত্ৰ উদয় আৰু মাজনু, অনিল কাপুৰ আৰু নানা পাটেকাৰক ৱেলকাম টু দ্য জংগলত দৰ্শকে বহুত মিছ কৰিছিল। এতিয়া, খবৰ আহিছে যে প্ৰযোজক ফিৰোজ নাদিয়াডৱালাই এই জনপ্ৰিয় যুটিটোক আগন্তুক জম্বি কমেডীৰ বাবে পুনৰ একত্ৰিত কৰাৰ প্ৰস্তুতি চলাইছে। আহমেদ খানৰ পৰিচালনাত নিৰ্মিত এই ছবিখনত অনিল কাপুৰ আৰু নানা পাটেকাৰে সম্পূৰ্ণ নতুন চৰিত্ৰত অভিনয় কৰিব। এই প্ৰকল্পৰ বাবে দুয়োজন অভিনেতাৰ মাজত আলোচনা চলি আছে বুলি খবৰ ওলাইছে।
খবৰ অনুসৰি ছবিখনত অনিল আৰু নানাৰ বাবে এনে চৰিত্ৰ সৃষ্টি কৰা হৈছে যিবোৰ তেওঁলোকৰ পূৰ্বৰ উদয় আৰু মাজনুৰ চৰিত্ৰতকৈ সম্পূৰ্ণ পৃথক হ’ব। নতুন প্ৰজন্মৰ দৰ্শকৰ মাজত সমানে জনপ্ৰিয় হ’ব পৰা যুটি উপস্থাপন কৰাৰ লক্ষ্য লৈছে প্ৰযোজক সকলে। টাইগাৰ শ্ৰফকো মুখ্য চৰিত্ৰৰ বাবে চূড়ান্ত কৰা হৈছে বুলিও চৰ্চা চলিছে। তেওঁ ছবিখনলৈ এক শক্তিশালী একচন টুইষ্ট আনিব বুলি আশা কৰা হৈছে।
খবৰ অনুসৰি বৰ্তমান ছবিখন লেখাৰ পৰ্যায়ত আছে আৰু পৰিয়ালৰ মনোৰঞ্জক হিচাপে গঢ়ি তোলা হৈছে। প্ৰযোজক ফিৰোজ নাদিয়াডৱালাই শিশু আৰু পৰিয়ালক লক্ষ্য কৰি এখন লঘু হৃদয়ৰ জম্বি কমেডী সৃষ্টি কৰিব বিচাৰিছে। ছবিখনৰ কাহিনীত হৰৰ, কমেডী, একচনৰ মিশ্ৰণ ঘটিব। খবৰ অনুসৰি ২০২৭ চনৰ আৰম্ভণিতে শ্বুটিং আৰম্ভ হ’ব পাৰে।অনিল কাপুৰ আৰু নানা পাটেকাৰৰ উভতি অহা নিশ্চিত হ’লে এই যুটিয়ে আকৌ এবাৰ দৰ্শকক মনোৰঞ্জন দিবলৈ সাজু হ’ব।
হিন্দুস্থান সমাচাৰ / অৰৱিন্দ
