ক্ৰাইম-ছাচপেন্স সামাজিক নাট্য ছবি ‘লাভ লটাৰী’ৰ নতুন পোষ্টাৰ। হেলী দাৰুৱালাক ব্রাইডাল লুকত দেখা গৈছে, আনহাতে অক্ষয় অবেৰয়ৰ চৰিত্ৰটো অসংখ্য প্রশ্ন আৰু ৰহস্যৰ মাজত আবদ্ধ হৈ থকা যেন লাগে৷ দুয়োজন অভিনেতাৰ স্বকীয় শৈলীই ছবি খনৰ কাহিনীৰ প্ৰতি দৰ্শকৰ কৌতুহল বৃদ্ধি কৰিছে। অৰবিন্দ পাণ্ডেৰ পৰিচালিত ছবিখনে সম্পৰ্ক, বিশ্বাস, অপৰাধ, আৰু সামাজিক চিন্তাৰ ওপৰত গুৰুত্ব আৰোপ কৰিছে।
‘লাভ লটাৰী’ত পুৰুষৰ অধিকাৰৰ দৰে স্পৰ্শকাতৰ বিষয় এটাক কাহিনীৰ এক গুৰুত্বপূৰ্ণ অংশ হিচাপে গঢ়ি তোলা হৈছে। প্ৰযোজক সকলৰ মতে, ছবিখনে একক সিদ্ধান্ত জাপি দিয়াৰ পৰিৱৰ্তে সম্পৰ্ক, সামাজিক ধাৰণা, ন্যায়ৰ সৈতে জড়িত প্ৰশ্ন সমূহৰ জটিলতাসমূহ দৰ্শকৰ সন্মুখত মনোৰঞ্জনমূলক আৰু ৰহস্যময়ভাৱে উপস্থাপন কৰাৰ প্ৰয়াস কৰিছে। পৰিচালক অৰবিন্দ পাণ্ডেই কয় যে ছবিখন কেৱল অপৰাধ-ছাচপেন্স কাহিনী নহয়, বৰঞ্চ আলোচনাৰ প্ৰয়োজনীয়তা থকা এটা সামাজিক বিষয়ৰ ওপৰতো আলোচনা কৰা হৈছে। সাহিত্যিক অংকুৰ খাত্ৰীৰ মতে, কাহিনীটোৱে আৱেগ আৰু সম্পৰ্কৰ সৈতে ছাচপেন্স এনেদৰে বৈছে যে দৰ্শকে কি হ’ব সেই বিষয়ে অহৰহ অনুমান কৰি থাকে।
চিনেমা গঞ্জ ফিল্মছৰ বেনাৰত নিৰ্মিত এই ছবিখনৰ প্ৰযোজক কুলদীপ ভাৰ্গৱ ওৰফে তুষাৰৰ। চিত্ৰনাট্য আৰু কাহিনী ৰচনা কৰিছে অংকুৰ খাত্ৰীয়ে। ছবিখনত অভিনয় কৰিছে অক্ষয় অবেৰয় আৰু হেলী দাৰুৱালাৰ লগতে কবীৰ দুহান সিং, বিজয়ন্ত কোহলী, হেমন্ত পাণ্ডে, ইন্দিৰা কৃষ্ণন, আৰু সন্তোষ শুক্লাকে ধৰি আন কেইবাজনো অভিনেতাই। নবীন ভি মিশ্ৰই চিনেমেট’গ্ৰাফী, প্ৰকাশ ঝাই সম্পাদনা কৰিছে, বৰুণ মিশ্ৰ আৰু অৰবিন্দ পাণ্ডেই সংগীত ৰচনা কৰিছে। ২০২৬ চনৰ ১৮ ছেপ্টেম্বৰত ছবিগৃহত মুক্তি পাব ‘লাভ লটাৰী’।
হিন্দুস্থান সমাচাৰ / অৰৱিন্দ
