নিতেশ তিৱাৰীৰ পৰিচালিত বহু প্ৰত্যাশিত ছবি ‘ৰামায়ণ’ মুক্তিৰ পূৰ্বেই শিৰোনাম দখল কৰি আহিছে। এতিয়া ছবিখনৰ সৈতে জড়িত আন এক ডাঙৰ খবৰ ওলাইছে। খবৰ অনুসৰি ছবিখনৰ দুয়োটা অংশৰ সংগীতৰ অধিকাৰ লাভ কৰিছে টি-ছিৰিজে। খবৰ পোৱা গৈছে যে এই চুক্তি ৭৫ কোটিৰ অগ্ৰিম ধনৰ অধীনত কৰা হৈছিল। কিন্তু সূত্ৰসমূহে ইংগিত দিয়ে যে এই ধনৰাশি ঘূৰাই দিব পৰা অগ্ৰিম হিচাপে নিৰ্ধাৰণ কৰা হৈছে, যাৰ ফলত চুক্তিখন আৰু অধিক বিশেষ হৈ পৰিছে।

খবৰ অনুসৰি ‘ৰামায়ণ’ৰ সংগীতৰ অধিকাৰ লাভৰ বাবে কেইবাটাও ডাঙৰ সংগীত কোম্পানীয়ে দৌৰত নামিছিল যদিও শেষত টি-ছিৰিজ বিজয়ী হৈ আত্মপ্ৰকাশ কৰে। কোম্পানীটোৰ ঘনিষ্ঠ সূত্ৰই জনোৱা মতে, ভূষণ কুমাৰ আৰু টি ছিৰিজৰ জ্যেষ্ঠ দলটোৱে ছবিখনৰ সংগীতৰ সম্ভাৱনাক লৈ আত্মবিশ্বাসী। এই অগ্ৰিম ৭৫ কোটি টকা ছবিখনৰ দুয়োটা অংশৰ সংগীতৰ অধিকাৰৰ বাবে দিয়া হৈছে। ভাৰতীয় সংগীত জগতৰ সংগীত অধিকাৰৰ অন্যতম বৃহৎ চুক্তি বুলি গণ্য কৰা হয় এইখন।

ছবিখনৰ সংগীতৰ ওপৰতো প্ৰযোজকসকলৰ বহু আশা আছে, কিয়নো এই ছবিখনে অস্কাৰ বিজয়ী সুৰকাৰ এ.আৰ. ৰহমান আৰু হান্স জিমাৰ। নমিত মালহোত্ৰাৰ প্ৰযোজনা কৰা এই ছবিখনত লৰ্ড ৰামৰ চৰিত্ৰত ৰণবীৰ কাপুৰ, সীতাৰ চৰিত্ৰত সাই পল্লৱী, ৰাৱনৰ চৰিত্ৰত যশ, লৰ্ড হনুমানৰ চৰিত্ৰত ছানী দেওল, লক্ষ্মণৰ চৰিত্ৰত অভিনয় কৰিছে ৰবি ডুবে। দুটা ভাগত নিৰ্মিত ছবিখন ২০২৬ চনৰ দীপাৱলী আৰু ২০২৭ চনৰ দীপাৱলীত থিয়েটাৰত মুক্তি পাব।

হিন্দুস্থান সমাচাৰ / অৰৱিন্দ