নতুন দিল্লী, ২৯ জুন (হি.স.)। ভাৰতৰ বতৰ বিজ্ঞান বিভাগে (আই এম ডি) প্ৰকাশ কৰা অনুসৰি আজি ৰাষ্ট্ৰীয় ৰাজধানী দিল্লীত পাতলীয়া বৰষুণ আৰু ধুমুহা বৰষুণৰ আগজাননী দিয়া হৈছে। আই এম ডিৰ তথ্য অনুসৰি দক্ষিণ-পশ্চিম বাৰিষা পাঁচ-ছয় দিনৰ ভিতৰত দিল্লীত উপস্থিত হোৱাৰ সম্ভাৱনা আছে। অহা দুই-তিনি দিনৰ ভিতৰত উত্তৰ আৰব সাগৰ, উত্তৰ প্ৰদেশ, উত্তৰাখণ্ড, হিমাচল প্ৰদেশ, জম্মু-কাশ্মীৰ, লাডাখ আৰু দক্ষিণ-পূব ৰাজস্থানৰ বাকী অংশলৈ বাৰিষাৰ আগমণৰ পৰিস্থিতি অনুকূল।

আই এম ডিৰ তথ্য অনুসৰি যোৱা দুবছৰৰ ভিতৰত দিল্লীত দেওবাৰৰ দিনটো আছিল আটাইতকৈ গৰম দিন। সৰ্বনিম্ন উষ্ণতা ৩১.১ ডিগ্ৰী চেলছিয়াছ, স্বাভাৱিকতকৈ ৩.২ ডিগ্ৰী। সৰ্বোচ্চ উষ্ণতা ৪১.৮ ডিগ্ৰী চেলছিয়াছ। আৰ্দ্ৰতাৰ বাবে মানুহে ৫০.৭ ডিগ্ৰী চেলছিয়াছ পৰ্যন্ত উষ্ণতা অনুভৱ কৰিছিল। ইয়াৰ পূৰ্বে ২০২৪ চনৰ ১৪ জুনত সৰ্বনিম্ন উষ্ণতা ৩৩.৩ ডিগ্ৰী চেলছিয়াছ আছিল।

স্কাইমেটে ভৱিষ্যদ্বাণী কৰিছে যে যদি অনুকূল পৰিস্থিতি অব্যাহত থাকে তেন্তে ৪ জুলাইৰ ভিতৰত বাৰিষা দিল্লীত নামিব পাৰে। স্কাইমেটৰ তথ্য অনুসৰি পাকিস্তানৰ পৰা অহা শুকান বতাহ আৰু আৰব সাগৰৰ পৰা অহা আৰ্দ্ৰ বতাহ মিহলি হৈ আছে। ইয়াৰ ফলত ডাৱৰৰ সৃষ্টি হৈছে যদিও পৰ্যাপ্ত আৰ্দ্ৰতাৰ অভাৱত ব্যাপক বৰষুণ হোৱাত বাধা আহি পৰিছে। সাধাৰণতে দিনত যেতিয়া উষ্ণতাৰ শিখৰত উপনীত হয় তেতিয়া ডাৱৰৰ সৃষ্টি হয়, যাৰ ফলত বৰষুণৰ সম্ভাৱনা দুৰ্বল হয়।

ইফালে ধাৰাসাৰ বৰষুণ আৰু বানপানীয়ে উত্তৰ-পূবৰ ৰাজ্যসমূহৰ জীৱন যাপন ভয়াৱহভাৱে বিঘ্নিত কৰিছে। অৰুণাচল প্ৰদেশৰ কেয়ী পেনয়ৰ অঞ্চলতহঠাতে হোৱাবানত ৩ জন লোকৰ মৃত্যু হয় । বানপানী আৰু ভূমিস্খলনে কেইবাটাও অঞ্চলৰ ঘৰ-দুৱাৰ ক্ষতিগ্ৰস্ত হোৱাৰ লগতে আন্তঃগাঁথনিৰ ক্ষতিসাধন কৰিছে। ৰাজ্যৰ দহখন জিলা বৰষুণৰ ফলত ক্ষতিগ্ৰস্ত হৈছেআৰু সাহায্য আৰু উদ্ধাৰ অভিযান অব্যাহত আছে। বিভাগটোৱে সোমবাৰৰ ভিতৰত ২০০ মিলিমিটাৰ পৰ্যন্ত বৰষুণৰ পূৰ্বানুমানপ্ৰকাশ কৰিছে।

ছিকিমৰ ডংগু অঞ্চলত হোৱা ধাৰাসাৰ বৰষুণে ফিডাং আৰু শংকলাং সংযোগী বেইলী দলংখন উটুৱাই নিয়াৰ ফলত ৰাজ্যখনৰ বাকী অংশৰ পৰা এই অঞ্চলটো বিচ্ছিন্ন হৈ পৰিছে। কোনো লোক হতাহতিৰ খবৰ পোৱা নাই। হিমাচল প্ৰদেশৰ ৰাজধানী শিমলাৰ বতৰ বিজ্ঞান কেন্দ্ৰই ৰাজ্যখনত ৪ জুলাইলৈকে বৰষুণ অব্যাহত থাকিব বুলি ভৱিষ্যদ্বাণী কৰিছে । কেন্দ্ৰটোৱে জনোৱা মতে, ২ জুলাইৰ পৰা উত্তৰ-পশ্চিম ভাৰতত নতুন পশ্চিমীয়া অশান্তি সক্ৰিয় হোৱাৰ সম্ভাৱনা আছে । বিভাগটোৱে ৩০ জুনৰ পৰা ৪ জুলাইৰ ভিতৰত ৰাজ্যৰ বিভিন্ন স্থানত ঘণ্টাত ৩০ৰ পৰা ৪০ কিলোমিটাৰ বেগত ঘণ্টাত ৩০ৰ পৰা ৪০ কিলোমিটাৰ বেগেৰে বজ্ৰপাত আৰু প্ৰচণ্ড বতাহৰ সতৰ্কবাণী জাৰি কৰিছে ।

আইএমডিয়ে ২৯ জুন, ১ জুলাই, আৰু ২ জুলাইত পঞ্জাৱ আৰু হাৰিয়ানাত বিক্ষিপ্ত বৰষুণৰ পূৰ্বানুমান কৰিছে । ঝুনঝুনু জিলাৰ পিলানীকে ধৰি ৰাজস্থানৰ কেইবাটাও স্থানত দেওবাৰে সিঁচৰতি হৈ বৰষুণৰ ৰেকৰ্ড কৰা হয় । পুৱাৰে পৰা পিলানীত ৭ মিলিমিটাৰ বৰষুণ হয় । ২ জুলাইৰ পৰা দক্ষিণ-পূব আৰু পূব ৰাজস্থানত বৰষুণৰ কাৰ্যকলাপ তীব্ৰতৰ হোৱাৰ সম্ভাৱনা আছে ।

বিভাগটোৱে জনোৱা মতে, জম্মুৰ ভৈয়ামৰ লগতে ইয়াৰ কাষৰীয়া অঞ্চলত আজি বাৰিষাৰ পূৰ্বে বৰষুণ হোৱাৰ সম্ভাৱনা আছে। কিছুমান স্থানত প্ৰচণ্ড বৰষুণ, ধুমুহা, প্ৰচণ্ড বতাহ আদিৰ আগজাননীও পোৱা গৈছে । ডেৰাডুন বতৰ বিজ্ঞান কেন্দ্ৰই উল্লেখ কৰিছে যে উত্তৰাখণ্ডৰ বহু ঠাইত উষ্ণতা স্বাভাৱিকতকৈ যথেষ্ট ওপৰত আছে । পাহাৰীয়া জিলাসমূহৰ বিচ্ছিন্ন স্থানত ধুমুহা, বজ্ৰপাত, প্ৰচণ্ডৰ পৰা অতি প্ৰচণ্ড বৰষুণ, প্ৰচণ্ড বতাহৰ বাবে কেন্দ্ৰটোৱে হালধীয়া সতৰ্কতা জাৰি কৰিছে ।

-----------------

হিন্দুস্থান সমাচাৰ / অৰৱিন্দ