মনোৰঞ্জন আৰু কমিকছৰ জগতখনত ৩০ জুন তাৰিখে বিশেষ তাৎপৰ্য লাভ কৰিছে। ১৯৩৮ চনৰ আজিৰ দিনটোতে বিশ্বৰ অন্যতম জনপ্ৰিয় ছুপাৰহিৰো চৰিত্ৰ ছুপাৰমেনে প্ৰথমবাৰৰ বাবে কমিকছত চিত্ৰিত হৈছিল। পৰৱৰ্তী সময়ত এই কাল্পনিক চৰিত্ৰটোৱে শিশু আৰু যুৱক-যুৱতীসকলৰ মাজত দ্ৰুতগতিত জনপ্ৰিয়তা লাভ কৰি শেষত বিশ্বব্যাপী সাংস্কৃতিক আইকন হিচাপে পৰিগণিত হয়।
ছুপাৰমেনক দুজন সৃষ্টিকৰ্তাই বিকশিত কৰিছিল। তেওঁৰ অসাধাৰণ শক্তি, ন্যায়বোধ আৰু মানৱতাক ৰক্ষাৰ দৃঢ়তাই তেওঁক পাঠকৰ মাজত অপৰিসীম জনপ্ৰিয় কৰি তুলিছিল। তেওঁৰ নীলা সাজ-পোছাক, ৰঙা কেপ আৰু বুকুৰ সুকীয়া প্ৰতীকে ছুপাৰমেনক এক সুকীয়া পৰিচয় দিছিল।
কমিকছৰ জগতখনৰ পৰা আৰম্ভ কৰি ছুপাৰমেনৰ যাত্ৰা অতি সোনকালেই ৰেডিঅ’, টেলিভিছন, এনিমেচন, চলচ্চিত্ৰলৈ সম্প্ৰসাৰিত হয়। দশক দশক ধৰি এই চৰিত্ৰটো মনোৰঞ্জন উদ্যোগৰ এক গুৰুত্বপূৰ্ণ অংশ হৈয়েই আছে, যিয়ে প্ৰজন্মৰ পিছত প্ৰজন্ম ধৰি দৰ্শকক প্ৰভাৱিত কৰি আহিছে।
ছুপাৰমেন কেৱল কাল্পনিক নায়ক নহয়, সাহস, সততা, ন্যায় আৰু মানৱতাৰ মূল্যবোধৰ প্ৰতীক হৈ পৰিল । এই কাৰণেই পৰিৱৰ্তিত সময় আৰু প্ৰযুক্তিৰ মাজতো ইয়াৰ জনপ্ৰিয়তা অক্ষত আছে।
আজিও ছুপাৰমেন কমিক্স, ছবি, টিভি ধাৰাবাহিক, আৰু অন্যান্য সৃষ্টিশীল মাধ্যমে বিশ্বজুৰি মানুহক মোহিত কৰি ৰাখিছে। ৩০ জুন তাৰিখে কমিকছৰ ইতিহাসৰ এটা উল্লেখযোগ্য মুহূৰ্তক স্মৰণ কৰা হয় যেতিয়া এটা কাল্পনিক চৰিত্ৰই বিশ্বৰ লাখ লাখ লোকৰ কল্পনাক গঢ় দিছিল।
গুৰুত্বপূৰ্ণ পৰিঘটনা
১৭৯৯ - মহাৰাজ কৃষ্ণৰাজ তৃতীয় ৱাডিয়াৰ মহীশূৰ ৰাজ্যৰ বিংশতম মহাৰাজ হৈ প্ৰায় সত্তৰ বছৰ ৰাজ্য শাসন কৰে।
১৮৫৫ – বংগৰ ভোগনাদিঘীত সশস্ত্ৰ সন্থাল বিদ্ৰোহ কৰে।
১৮৭০ – আডা কেপলে আমেৰিকাত আইন বিদ্যালয়ৰ পৰা স্নাতক হোৱা প্ৰথমগৰাকী মহিলা হিচাপে পৰিগণিত হয়।
১৯৩০ – লৰ্ডছত ইংলেণ্ডৰ বিৰুদ্ধে অষ্ট্ৰেলিয়াৰ হৈ ডন ব্ৰেডমেনে ২৫৪ (৩২০ ৰান, ২৫ চাৰি) ৰান কৰে।
১৯৩৩ - এণ্টৱাৰ্পত ফেচিবাদৰ বিৰুদ্ধে ৫০,০০০ লোকে বিক্ষোভ কৰে।
১৯৩৪ – জাৰ্মান একনায়কত্ববাদী এডলফ হিটলাৰে নিজৰ নেচনেল ছ'চিয়েলিষ্ট পাৰ্টিৰ ভিতৰৰ বিৰোধীসকলক নাশ কৰে।
১৯৩৭ - লণ্ডনত বিশ্বৰ প্ৰথম জৰুৰীকালীন নম্বৰ ৯৯৯ জাৰি কৰা হয়।
১৯৩৮ – শিশুৰ প্ৰিয় কাৰ্টুন চৰিত্ৰ ছুপাৰমেনে প্ৰথমবাৰৰ বাবে কমিকছত দেখা দিয়ে।
১৯৪৭ - ভাৰত বিভাজনৰ ঘোষণাৰ পিছত বংগ আৰু পঞ্জাৱৰ সীমা আয়োগৰ সদস্য ঘোষণা কৰা হয়।
১৯৫৩ – মিচিগানৰ ফ্লিণ্টত এছেম্বলি লাইনৰ পৰা প্ৰথমখন চেভ্ৰলেট কৰ্ভেটে স্প’ৰ্টছ গাড়ী হিচাপে আত্মপ্ৰকাশ কৰে।
১৯৬০ – আমেৰিকাই কিউবাৰ পৰা চেনি আমদানি বন্ধ কৰাৰ সিদ্ধান্ত লয়।
১৯৬২ – ৰুৱাণ্ডা আৰু বুৰুণ্ডি স্বাধীন হয়।
১৯৬৬ – আমেৰিকাৰ প্ৰথম মহিলা সংগঠন নেচনেল অৰ্গেনাইজেচন ফৰ উইমেন গঠন হয়।
১৯৭২ - ইউটিচি টাইম চিষ্টেমত প্ৰথম লিপ চেকেণ্ড সংযোজন কৰা হয়।
১৯৯০ - পূব আৰু পশ্চিম জাৰ্মানীৰ একত্ৰীকৰণ।
১৯৯৭ – হংকঙত ব্ৰিটিছ শাসনৰ অন্ত পৰে।
১৯৯৯ – অষ্ট্ৰেলিয়াৰ উপ-প্ৰধানমন্ত্ৰী তথা নেচনেল পাৰ্টিৰ নেতা টিম ফিচাৰে পদত্যাগ কৰে।
২০০০ – আমেৰিকাৰ ৰাষ্ট্ৰপতি বিল ক্লিণ্টনে ইলেক্ট্ৰনিক স্বাক্ষৰ বৈধতা প্ৰদান কৰে।
২০০২ – জাৰ্মানীক ২-০ গ'লত পৰাস্ত কৰি ব্ৰাজিলে বিশ্বকাপ জয় কৰে।
২০০৩ – চাৰিবাৰৰ অস্কাৰ বিজয়ী অভিনেত্ৰী কেথাৰিন হেপবাৰ্নৰ মৃত্যু হয়।
২০০৪ – ছেম ৰাইমীৰ পৰিচালনাত নিৰ্মিত স্পাইডাৰ-মেন ২ মুক্তি পায়।
২০০৫ – ব্ৰাজিলে কনফেডাৰেচনছ ফুটবল কাপ জয় কৰে।
২০০৫ – স্পেইনে সমলিংগ বিবাহক বৈধতা প্ৰদান কৰে।
২০০৬ – জাৰ্মানীয়ে বিশ্বকাপত আৰ্জেণ্টিনাক পৰাস্ত কৰে।
২০০৭ – ৰাষ্ট্ৰসংঘৰ সাধাৰণ পৰিষদে সৰ্বসন্মতিক্ৰমে শান্তিৰক্ষা বিভাগক বিভাজিত কৰাৰ সিদ্ধান্ত লয়।
২০০৮ – ৰবিকান্ত, উমা শংকৰ চৌধুৰী, আৰু বিমল চন্দ্ৰ পাণ্ডেক যৌথভাৱে ভাৰতীয় জ্ঞানপীঠ নতুন লেখা বঁটা প্ৰদান কৰা হয়।
২০০৮ – ভাৰতীয় সাংবাদিক অনিছুদ্দিন আজিজক আন্তৰ্জাতিক বহী ৰখীয়া সংস্থা (আইএবি)ৰ বছৰৰ নতুন ব্যৱসায়ৰ বঁটা প্ৰদান কৰা হয়।
২০০৮ – পাকিস্তান চৰকাৰে জনজাতীয় খাইবাৰ পাছ অঞ্চলত সন্ত্ৰাস বিয়পোৱা তিনিটা সন্ত্ৰাসবাদী সংগঠনক নিষেধাজ্ঞা আৰোপ কৰে।
২০০৮ – ৰবাৰ্ট মুগাবেই জিম্বাবুৱেৰ ৰাষ্ট্ৰপতি হিচাপে শপত গ্ৰহণ কৰে।
২০১২ – মহম্মদ মৰ্ছি ইজিপ্তৰ ৰাষ্ট্ৰপতি হয়।
২০১৭ - ভাৰতৰ ইতিহাসৰ সৰ্ববৃহৎ কৰ সংস্কাৰ সামগ্ৰী আৰু সেৱা কৰ (জি এছ টি) আৰম্ভ কৰা হয়।
জন্ম
১৯০৩ – মুকুট বিহাৰী লাল ভাৰ্গৱ - ভাৰতীয় ৰাজনীতিবিদ আৰু লোকসভাৰ সদস্য।
১৯১১ - নাগাৰ্জুন - ভাৰতীয় সাহিত্যিক।
১৯২১ - ৰঘুবংশ - বিখ্যাত হিন্দী সাহিত্যিক আৰু সমালোচক।
১৯২৮ – কল্যানজী - বিখ্যাত হিন্দী চলচ্চিত্ৰ সংগীত সুৰকাৰ।
১৯৩৪ – চি.এন.আৰ. ৰাও - বিখ্যাত ভাৰতীয় বিজ্ঞানী।
১৯৪৩ – ছৈইদ আখতাৰ মিৰ্জা - চলচ্চিত্ৰ পৰিচালক আৰু লেখক।
১৯৫৬ – হৰিবংশ নাৰায়ণ সিং - ভাৰতীয় সাংবাদিক আৰু ৰাজনীতিবিদ।
১৯৬৬ – মাইক টাইছন - পেছাদাৰী বক্সাৰ।
১৯৬৯ – ভূপেন্দ্ৰ যাদৱ - ভাৰতীয় ৰাজনীতিবিদ তথা ৰাজ্যসভাৰ সাংসদ।
১৯৯৭ – অবিকা গোৰ - অভিনেত্ৰী।
মৃত্যু
১৯১৭ - দাদাভাই নৌৰজী - প্ৰখ্যাত ভাৰতীয় ৰাজনীতিবিদ, উদ্যোগপতি, শিক্ষাবিদ আৰু চিন্তাবিদ।
১৯৭০ – আশা দেৱী আৰ্যনায়কম - অজ্ঞানতা দূৰ কৰি জ্ঞান, প্ৰেম, বিশ্বাসেৰে ভৰা এখন পৃথিৱী সৃষ্টি কৰিবলৈ চেষ্টা কৰা এগৰাকী বিদুষী নাৰী।
১৯৮৫ - কে এইচ আৰা - বিখ্যাত ভাৰতীয় চিত্ৰশিল্পী।
২০০৭ - সাহিব সিং বৰ্মা - ভাৰতীয় জনতা পাৰ্টিৰ উপ-সভাপতি আৰু ত্ৰয়োদশ লোকসভাৰ সংসদ সদস্য।
গুৰুত্বপূৰ্ণ অনুষ্ঠান
- সন্থাল হুল দিৱস।
- আন্তৰ্জাতিক গ্ৰহাণু দিৱস।
- আন্তঃৰাষ্ট্ৰীয় সংসদীয় দিৱস
---------------------------
হিন্দুস্থান সমাচাৰ / অৰৱিন্দ
30 Jun 2026
