আৰ্থ-সামাজিক পৰিকল্পনা আৰু নীতি নিৰ্ধাৰণত পৰিসংখ্যাৰ গুৰুত্ব সম্পৰ্কে সজাগতা সৃষ্টিৰ বাবে প্ৰতি বছৰে ২৯ জুনত ৰাষ্ট্ৰীয় পৰিসংখ্যা দিৱস পালন কৰা হয়। ভাৰতৰ মহান পৰিসংখ্যাবিদ অধ্যাপক প্ৰশান্ত চন্দ্ৰ মহালানোবিছৰ জন্ম বাৰ্ষিকীত এই দিৱস পালন কৰা হয়।
ৰাষ্ট্ৰীয় পৰিসংখ্যা দিৱসৰ মূল উদ্দেশ্য হৈছে সাধাৰণ জনতাৰ মাজত তথ্য আৰু পৰিসংখ্যাৰ গুৰুত্বৰ ওপৰত আলোকপাত কৰা। শাসন, পৰিকল্পনা, অৰ্থনৈতিক উন্নয়ন, কৃষি, স্বাস্থ্য, শিক্ষা আৰু বিভিন্ন সামাজিক খণ্ডত সঠিক তথ্যৰ ভূমিকা অতি গুৰুত্বপূৰ্ণ বুলি বিবেচিত হয়।
অধ্যাপক প্ৰশান্ত চন্দ্ৰ মহালনোবিছক ভাৰতৰ আধুনিক পৰিসংখ্যাৰ পিতৃ হিচাপে গণ্য কৰা হয়। দেশৰ পৰিসংখ্যা ব্যৱস্থা শক্তিশালী কৰাত তেওঁ উল্লেখযোগ্য অৱদান আগবঢ়াইছিল আৰু উন্নয়ন পৰিকল্পনাৰ বাবে বৈজ্ঞানিক তথ্যৰ ব্যৱহাৰক প্ৰসাৰিত কৰিছিল। তেওঁৰ দ্বাৰা প্ৰস্তুত কৰা মহালনোবিছ মডেলে দেশৰ অৰ্থনৈতিক পৰিকল্পনা প্ৰক্ৰিয়াত এক নতুন দিশ প্ৰদান কৰিছিল।
ৰাষ্ট্ৰীয় পৰিসংখ্যা দিৱস উপলক্ষে বিভিন্ন চৰকাৰী প্ৰতিষ্ঠান, শৈক্ষিক সংস্থা, গৱেষণা কেন্দ্ৰ আদিয়ে আলোচনা চক্ৰ, বক্তৃতা, সজাগতা কাৰ্যসূচীৰ আয়োজন কৰে। এই কাৰ্যসূচীসমূহৰ জৰিয়তে ছাত্ৰ-ছাত্ৰী, গৱেষক, আৰু সাধাৰণ নাগৰিকসকলক পৰিসংখ্যাৰ গুৰুত্বৰ বিষয়ে সচেতন কৰা হয়।
ৰাষ্ট্ৰীয় পৰিসংখ্যা দিৱস কেৱল এজন মহান বিজ্ঞানীক শ্ৰদ্ধাঞ্জলি জনোৱাৰ উপলক্ষে নহয়, সমাজ আৰু শাসন ব্যৱস্থাত পৰিসংখ্যাৰ উপযোগিতা বুজিবলৈ আৰু বৈজ্ঞানিক দৃষ্টিভংগীক উৎসাহিত কৰাৰ এক গুৰুত্বপূৰ্ণ অনুষ্ঠান।
গুৰুত্বপূৰ্ণ পৰিঘটনা
১৪৪৪ – চিকন্দৰ বেগে অট্টোমান সাম্ৰাজ্যৰ সৈন্যবাহিনীক পৰাস্ত কৰে।
১৬১৩ – লণ্ডনৰ শ্বেক্সপীয়েৰৰ গ্ল’ব থিয়েটাৰ অগ্নিকাণ্ডত ধ্বংস হয়।
১৭৫৭ – বংগ, বিহাৰ, উৰিষ্যাৰ নবাব হিচাপে মীৰ জাফৰে সিংহাসনত আৰোহণ কৰে।
১৮৫৫ – লণ্ডনত ডেইলী টেলিগ্ৰাফ কাকত প্ৰকাশ পায়।
১৮৬৪ - কানাডাত ৰে’ল দুৰ্ঘটনাত ৯০ জন লোকৰ মৃত্যু হয়।
১৮৮৮ – শাস্ত্ৰীয় সংগীতৰ প্ৰথম (পৰিচিত) ৰেকৰ্ডিং কৰা হয়।
১৯০৫ – ব্ৰিটেইনত অটোম’বাইল এছ’চিয়েচন প্ৰতিষ্ঠা কৰা হয়।
১৯১৩ – বুলগেৰিয়া, গ্ৰীচ, ছাৰ্বিয়া, মণ্টেনেগ্ৰো, ৰোমানিয়া আৰু অট্টোমান সাম্ৰাজ্যই দ্বিতীয় বাল্কন যুদ্ধ বুলি জনাজাত যুদ্ধ আৰম্ভ কৰে।
১৯৩২ - ছোভিয়েট ইউনিয়ন আৰু চীনে অ-আগ্ৰাসন চুক্তি স্বাক্ষৰ কৰে।
১৯৭৪ – ছিচেলছ দ্বীপপুঞ্জে স্বাধীনতা লাভ কৰে।
১৯৭৪ – মাৰিয়া এষ্টেলা ইছাবেল মাৰ্টিনেজ ডি পেৰন আৰ্জেণ্টিনাৰ প্ৰথম মহিলা ৰাষ্ট্ৰপতি হয়।
১৯৯৭ – জাৰ্মানীত অনুষ্ঠিত হোৱা ফ্ৰেংকফৰ্ট চেছ ক্লাছিক প্ৰতিযোগিতাত বিশ্বনাথন আনন্দে জয়লাভ কৰে।
২০০০ – ছিয়েৰা লিয়নত বিপ্লৱী ইউনাইটেড ফ্ৰণ্ট বিদ্ৰোহীয়ে পণবন্দী কৰি ৰখা বাকী ২১ জন ভাৰতীয় শান্তিৰক্ষীক মুকলি কৰি দিয়ে।
২০০০ – বিশ্বৰ আটাইতকৈ দ্ৰুততম কম্পিউটাৰটো আই বি এম নামৰ এটা আগশাৰীৰ বিশ্বব্যাপী কোম্পানীয়ে নিৰ্মাণ কৰে।
২০০২ – চীনত এক বৃহৎ ভূমিকম্পৰ সৃষ্টি হয়।
২০০৪ - ইষ্ট এছিয়া সন্মিলন (জাকাৰ্টা) আছিয়ানক এখন ডাঙৰ শক্তি হিচাপে গঢ়ি তোলাত সন্মতি প্ৰকাশ কৰে।
২০০৫ - ভাৰত আৰু আমেৰিকাই ১০ বছৰৰ বাবে এক বিস্তৃত চুক্তি স্বাক্ষৰ কৰে।
২০০৭ – শচীন তেণ্ডুলকাৰে এদিনীয়া ক্ৰিকেটত ১৫ হাজাৰ ৰান সম্পূৰ্ণ কৰে।
২০০৮ – আজিৰ দিনটোতে পৰিবেশ সম্পৰ্কীয় বেচৰকাৰী সংস্থা জানহিত ফাউণ্ডেচনে সন্মানীয় আইক'ম বঁটা লাভ কৰে।
২০০৮ – আমেৰিকাৰ ৰাষ্ট্ৰপতি জৰ্জ বুছে কেলিফৰ্ণিয়াত বনাঞ্চলৰ অগ্নিকাণ্ডৰ ফলত ক্ষতিগ্ৰস্ত অঞ্চলত জৰুৰীকালীন অৱস্থা ঘোষণা কৰে।
২০০৮ – বিশ্বৰ প্ৰথম গৰ্ভৱতী পুৰুষ থমাছৰ কন্যা সন্তান জন্ম হয়।
২০১৪ - অষ্ট্ৰেলিয়ান ছুপাৰ ছিৰিজত জয়লাভ কৰে ছাইনা নেহৱালে।
২০১১ - ভাৰতীয় মহিলাসকলে এক সমীক্ষাত আটাইতকৈ বেছি মানসিক চাপত থকা বুলি জনাইছে।
২০১১ - মানৱ সৰবৰাহৰ নিৰীক্ষণ তালিকাৰ পৰা ভাৰতক আঁতৰাই দিয়া হয়। ছবছৰৰ ব্যৱধানৰ অন্তত আমেৰিকাই ভাৰতক মানৱ সৰবৰাহৰ নিৰীক্ষণ তালিকাৰ পৰা আঁতৰাই পেলালে।
২০১৩ - কেলিফৰ্ণিয়াই সমলিংগ বিবাহৰ ওপৰত নিষেধাজ্ঞা উঠাই লয়।
জন্ম
১৮৬১ – আজিৰ দিনটোতে দেৱকিনন্দন ক্ষত্ৰী - হিন্দী ভাষাৰ প্ৰথম যাদুকৰী সাহিত্যিক।
১৮৬৪ – ছাৰ আশুতোষ মুখাৰ্জী - বংগৰ পৰা বিখ্যাত বেৰিষ্টাৰ আৰু শিক্ষাবিদ।
১৮৯৩ - পি চি মহালনোবিছ - বিখ্যাত ভাৰতীয় বিজ্ঞানী আৰু পৰিসংখ্যাবিদ।
১৯০১ - অমল কুমাৰ সৰকাৰ - ভাৰতৰ প্ৰাক্তন অষ্টম মুখ্য ন্যায়াধীশ।
১৯৩১ - পি কে আয়েংগাৰ - ভাৰতীয় বিজ্ঞানী।
মৃত্যু
১৮৭৩ – মাইকেল মধুসুদন দত্ত - বিখ্যাত বাংলা কবি।
১৯৩১ - মেহতা লজ্জাৰাম - ভাৰতীয় সাহিত্যিক, সাংবাদিক।
১৯৬১ - চৰ্দাৰ বলদেৱ সিং - বিখ্যাত স্বাধীনতা সংগ্ৰামী, ৰাজনীতিবিদ, ভাৰতৰ প্ৰথম প্ৰতিৰক্ষা মন্ত্ৰী।
১৯৬৬ - দামোদৰ ধৰ্মানন্দ কোছাম্বী - বিখ্যাত ভাৰতীয় পণ্ডিত, ভাষাবিদ, আৰু গণিতজ্ঞ।
১৯৮৮ – গাৱৰী দেৱী - ৰাজস্থানৰ বিখ্যাত মাণ্ড গায়িকা।
২০০৩ – কেথাৰিন হেপবাৰ্ন - আমেৰিকান অভিনেত্ৰী।
২০১৬ – কে.জি. সুব্ৰহ্মণ্যম - ভাৰতীয় ভাস্কৰ্য শিল্পী আৰু মিউৰেলিষ্ট।
২০১৯ - বাবু নাৰায়ণন - মালয়ালম পৰিচালক।
গুৰুত্বপূৰ্ণ অনুষ্ঠান
- ৰাষ্ট্ৰীয় পৰিসংখ্যা দিৱস।
-----------------------
হিন্দুস্থান সমাচাৰ / অৰৱিন্দ
30 Jun 2026
