নতুন দিল্লী, ২৭ জুন (হি.স.)। পৰিৱেশ কৰ্মী সোণম ৱাংচুকে দেওবাৰৰ পৰা দিল্লীৰ যন্তৰ মন্তৰত অনিৰ্দিষ্টকালীন অনশন আৰম্ভ কৰিব । নীট প্ৰশ্ন কাকত ফাদিলৰ অভিযোগক লৈ কেন্দ্ৰীয় শিক্ষামন্ত্ৰী ধৰ্মেন্দ্ৰ প্ৰধানৰ পদত্যাগ আৰু জবাবদিহিতাৰ দাবী জনাইছে।
ককৰোচ জনতা পাৰ্টি (চিজেপি)ৰ মুৰব্বী অভিজিত দীপকে এই তথ্য ছ’চিয়েল মিডিয়াত শ্বেয়াৰ কৰিছে। এই অনশন চিজেপিৰ যন্তৰ মন্তৰত চলি থকা প্ৰতিবাদৰ অংশ।
ইয়াৰ পূৰ্বে ছ’চিয়েল মিডিয়াত ভিডিঅ’ বাৰ্তাযোগে সোণম ৱাংচুকে ২৭ জুনলৈকে চৰকাৰৰ সঁহাৰিৰ বাবে অপেক্ষা কৰিব বুলি উল্লেখ কৰিছিল। যদি শিক্ষা ব্যৱস্থাৰ উন্নতি বা লাডাখৰ পৰিৱেশ আৰু সংস্কৃতি ৰক্ষাৰ সৈতে জড়িত বিষয়সমূহত ইতিবাচক সঁহাৰি নাপায় তেন্তে ২৮ জুনৰ পৰা যন্তৰ মন্তৰত অনশন আৰম্ভ কৰিব।
সোণম ৱাংচুক আৰু এই অভিযানৰ সমৰ্থনত সংহতি প্ৰদৰ্শন কৰিবলৈ দেশৰ বিভিন্ন প্ৰান্তৰ যুৱক-যুৱতী আৰু নাগৰিকক ২৮ জুনত যন্তৰ মন্তৰত উপস্থিত হ’বলৈ আহ্বান জনাইছে।
হিন্দুস্থান সমাচাৰ / অৰৱিন্দ
30 Jun 2026
