ফাৰহান আখতাৰৰ প্ৰডাকচন কোম্পানী এক্সেল এণ্টাৰটেইনমেণ্টৰ বেনাৰত নিৰ্মিত মণিপুৰী ছবি বুংয়ে নিউয়ৰ্ক ইণ্ডিয়ান ফিল্ম ফেষ্টিভেলত গুঞ্জৰিত সফলতা লাভ কৰি ইতিহাসৰ সৃষ্টি কৰিছে। ২৮ মে’ৰ পৰা ৩১ মে’লৈ অনুষ্ঠিত হোৱা এই সন্মানীয় চলচ্চিত্ৰ মহোৎসৱৰ সামৰণি পৰে ভাৰতীয় চিনেমাৰ বিভিন্ন ভাষা আৰু ধাৰাসমূহৰ ছবিক সন্মান জনাই বঁটা প্ৰদান অনুষ্ঠান। বুং-এ তিনিটা বঁটা লাভ কৰি আটাইতকৈ ডাঙৰ বিজয়ী হিচাপে আত্মপ্ৰকাশ কৰে।
ছবিখনে শ্ৰেষ্ঠ আত্মপ্ৰকাশ ছবি বঁটা লাভ কৰাৰ বিপৰীতে ইয়াৰ পৰিচালক লক্ষ্মীপ্ৰিয়া দেৱীক শ্ৰেষ্ঠ পৰিচালক বঁটাৰে সন্মানিত কৰা হয়। ছবিখনৰ যুৱ অভিনেতা গুগুন কিপগেনে শ্ৰেষ্ঠ শিশু শিল্পী বঁটা লাভ কৰে। নিউয়ৰ্ক ভাৰতীয় চলচ্চিত্ৰ মহোৎসৱত ১৫টা ভাষাৰ ছবি প্ৰদৰ্শিত হয় আৰু কঠোৰ প্ৰতিযোগিতাৰ মাজত বুংৰ এই কৃতিত্বক ভাৰতীয় চিনেমাৰ বাবে এক বৃহৎ সফলতা বুলি বিবেচিত হৈছে।
বুং মণিপুৰ উপত্যকাত বসবাস কৰা এজন নিৰীহ ল'ৰাক কেন্দ্ৰ কৰিয়েই ঘূৰি ফুৰা এক স্পৰ্শকাতৰ আৰু আৱেগিক কাহিনী। মাকৰ নিসংগতা আৰু পৰিয়ালটোৰ কঠিন পৰিস্থিতি দেখি সি সিহঁতক সুখী কৰিবলৈ দেউতাকক পুনৰ জীৱন্ত কৰি তোলাৰ সিদ্ধান্ত লয়। বাটত তেওঁ বহুতো আৱেগিক আৰু প্ৰত্যাহ্বানমূলক পৰিস্থিতিৰ সন্মুখীন হয়।
মন কৰিবলগীয়া যে এই ছবিখনে ইতিমধ্যে আন্তঃৰাষ্ট্ৰীয় স্বীকৃতি লাভ কৰি শ্ৰেষ্ঠ শিশু আৰু পৰিয়াল ছবিৰ বাফটা ২০২৬ বঁটা লাভ কৰিছে।
হিন্দুস্থান সমাচাৰ / মনোজ কুমাৰ শইকীয়া
