- অস্ত্ৰশস্ত্ৰ আৰু মাদকদ্ৰব্য় উদ্ধাৰ
ইম্ফল, ১৬ জুন (হি.স.)। মণিপুৰত উগ্ৰবাদী, অপৰাধী, মাদক দ্ৰব্য়, চোৰাং ধন আদিৰ বিৰুদ্ধে আৰক্ষী আৰু নিৰাপত্তা বাহিনীয়ে অভিযান নিয়মিয়াকৈ চলাই আছে। ম্যানিপুৰ আৰক্ষী মহকৌশলৰ দ্বাৰা আজি জাৰী এক চৰকাৰী সূত্ৰত কৈ হৈছে যে, ১৩ৰ পৰা ১৫ জুনলৈ চলা বেলেগ বেলেগ অভিযানত ১০ জন উগ্ৰবাদী আৰু ০৫ জন মাদকদ্ৰব্য়ৰ চোৰাং সৰবৰাহকাৰী গ্ৰেপ্তাৰ কৰা হৈছে, লগতে অস্ত্ৰশস্ত্ৰ আৰু বৃহৎ পৰিমাণৰ মাদকদ্ৰব্য় উদ্ধাৰ কৰা হৈছে।
আৰক্ষী মুখ্য কাৰ্যালয়ে প্ৰদান কৰা তথ্য অনুসৰি ১৫ জুনত নিৰাপত্তা বাহিনীয়ে উগ্ৰপন্থী সংগঠন আৰ পি এফ/পি এল এৰ সক্ৰিয় কেডাৰ থৌডাম ৰোশ্বন মেইটেই ওৰফে পিবাৰেল (২১)ক তেওঁৰ ঘৰৰ পৰা গ্ৰেপ্তাৰ কৰে । ইম্ফল পূৱ জিলাৰ লামলাই আৰক্ষী থানাৰ অন্তৰ্গত সাৱমবুং মনিয়াইস্কুলৰ বাসিন্দা ।
ইফালে, যোৱা ১৪ জুনত ইম্ফল পূৱ জিলাৰ ছাবুংখোক মাখা লেইকাইৰ বাসিন্দা মেইটাংকেইছাংবাম জিবান মেইটেই ওৰফে কাটুংচা (৪৩)ক অসমৰ খাটখাটিৰ পৰা গ্ৰেপ্তাৰ কৰাৰ পিছতে নিৰাপত্তা বাহিনীয়ে পাংগেই আৰু য়াইৰিপক অঞ্চলৰ পৰা বৃহৎ পৰিমাণৰ অস্ত্ৰ-শস্ত্ৰ উদ্ধাৰ কৰে। উদ্ধাৰ হোৱা অস্ত্ৰসমূহৰ ভিতৰত আছে তিনিটা ইনছাছ ৰাইফল, এটা এক্স কেলিবাৰ ৰাইফল, দুটা এছ এল আৰ ৰাইফল, দুটা .৩০৩ ৰাইফল, এটা ৯ এম এম পিষ্টল, এটা ৭.৬৫ এম এম পিষ্টল, ৩৩টা বিভিন্ন কেলিবাৰৰ সজীৱ গুলী, আৰু ১০টা বিভিন্ন অস্ত্ৰৰ বাবে মেগজিন।
১৪ জুনত আন এক অভিযানত নিৰাপত্তা বাহিনীয়ে ইম্ফল পশ্চিম জিলাৰ ৱাংগোই থানাৰ গেটত নিয়মীয়া পৰীক্ষাৰ সময়ত ২৪০টা বিয়েৰৰ কেন জব্দ কৰে । এই কেনসমূহ অধিক ব্যৱস্থা গ্ৰহণৰ বাবে হিয়াংথাঙৰ আবকাৰী ষ্টেচনক গতাই দিয়ে।
১৪ জুনত নিৰাপত্তা বাহিনীয়ে উগ্ৰপন্থী সংগঠন কেচিপি (নংড্ৰেনখোম্বা)ৰ এগৰাকী মহিলা সক্ৰিয় কেডাৰ লাইথাংবাম (অ) ছানাটম্বি দেৱী (২৪)ক বৰ্তমানৰ স্থানৰ পৰা গ্ৰেপ্তাৰ কৰে । মূলতঃ ইম্ফল পশ্চিম জিলাৰ পাটছ’ই থানা এলেকাৰ অন্তৰ্গত টাবাংখক মাখা লেইকাইৰ ঘৰ আৰু বৰ্তমান ইম্ফল পশ্চিম জিলাৰ লেমফেল থানা এলেকাৰ অন্তৰ্গত তৃতীয় জ’নৰ লেংগোল গেম ভিলেজত বাস কৰিছিল।
১৪ জুনত নিৰাপত্তা বাহিনীয়ে এ এছ-২৩একে-৫৫৪১ নম্বৰৰ এখন আৰ্মী ব্ৰিগেডিয়াৰ জেনেৰেলৰ অফিচিয়েল বাহনৰ সৈতে মিল থকা এখন ইনোভা গাড়ীক আটক কৰি সেনাপতি জিলাৰ টি খুলেনৰ পৰা অসমৰ তিনিচুকীয়া জিলাৰ মাৰ্ঘেৰিটা অঞ্চলৰ হিজুগুৰি গাঁৱৰ নিবাসী তাৰাকেশ্বৰ সিং (৪৫) নামৰ গাড়ীখনৰ চালকক গ্ৰেপ্তাৰ কৰে। আটক কৰা গাড়ীখনৰ পৰা ১৫.৪ কিলোগ্ৰাম ওজনৰ সন্দেহযুক্ত আফিঙৰ ১৭টা পেকেট উদ্ধাৰ কৰা হৈছে। বাহনখনত পতাকা খুঁটা আৰু অন্যান্য সেনা চিহ্নৰ সত্যতা সম্পৰ্কে তদন্ত অব্যাহত আছে।
১৪ জুনত নিৰাপত্তা বাহিনীয়ে উগ্ৰপন্থী সংগঠন কেচিপি (এমএফএল)ৰ সক্ৰিয় সদস্য (প্ৰাইভেট ৰেংক) য়াম্বাম মোমোচা সিং ওৰফে আবুংচা (৩৪)ক ঘৰৰ পৰা গ্ৰেপ্তাৰ কৰে। ইম্ফল পূৱ জিলাৰ লামলাই থানাৰ সীমাৰ অন্তৰ্গত পৌৰাবি মাখা লেইকাইৰ বাসিন্দা।
১৪ জুনত নিৰাপত্তা বাহিনীয়ে উগ্ৰপন্থী সংগঠন আৰ পি এফ/পি এল এৰ দুজন সক্ৰিয় সদস্যক ইম্ফল পশ্চিম জিলাৰ ঘৰৰ পৰা গ্ৰেপ্তাৰ কৰে। মকলাং মাখা লেইকাইৰ নিবাসী ৰোশন যুমনাম (৩৩) আৰু স্বয়ম্ভু চাৰ্জেণ্ট মেজৰ খোৱাইৰাকপাম চেতন মেইটেই (৩৭) ওৰফে নানাও ওৰফে চুমথাং, থৌৰইজাম মামাং লেইকাইৰ বাসিন্দা।
১৪ জুনত নিৰাপত্তা বাহিনীয়ে উগ্ৰপন্থী সংগঠন ইউ আৰ এফৰ সক্ৰিয় সদস্য তথা ধনদাবী মহম্মদ নৱাজ খান ওৰফে হিৰো (২০)ক ঘৰৰ পৰা গ্ৰেপ্তাৰ কৰে। তেওঁ ইম্ফল পূৱ জিলাৰ মিনুথং গোলাপতিৰ বাসিন্দা।
১৪ জুনত নিৰাপত্তা বাহিনীয়ে এন আৰ এফ এমৰ সক্ৰিয় সদস্য নিংথৌজাম প্ৰেমকুমাৰ সিং ওৰফে পুনচিৰল ওৰফে ইবুংগো (৩৫)ক গ্ৰেপ্তাৰ কৰে। ইম্ফল পূৱ জিলাৰ আন্দ্ৰাৱ থানা এলেকাৰ য়াইৰিপক লামলাই ক্ৰছিঙত তেওঁক গ্ৰেপ্তাৰ কৰা হয়। বিষ্ণুপুৰ জিলাৰ কেইবুল লামজাও থানা এলেকাৰ কেইবুল মায়াই লেইকাইৰ বাসিন্দা।
১৪ জুনত নিৰাপত্তা বাহিনীয়ে উগ্ৰপন্থী সংগঠন ইউএনএলএফ (পি)ৰ সক্ৰিয় সদস্য খুমুকচম শ্যামসুন্দৰ সিং (৫৪)ক ঘৰৰ পৰা গ্ৰেপ্তাৰ কৰে। ইম্ফল পশ্চিম জিলাৰ চিংজামেই আৰক্ষী থানা এলেকাৰ চিংগা মথাক নমিৰাকপাম লেইকাইৰ বাসিন্দা। তেওঁৰ পৰা মেগজিনসহ এটা ৯ এম এম পিষ্টল উদ্ধাৰ।
লগতে ১৪ জুনত মণিপুৰ আৰক্ষীয়ে বিষ্ণুপুৰ জিলাৰ নাইখং খুনৌ নাকা চেকপইণ্টত উগ্ৰপন্থী সংগঠন আৰ পি এফ/পি এল এৰ এজন সক্ৰিয় সদস্যক গ্ৰেপ্তাৰ কৰে। তেওঁৰ নাম মইৰাংথেম নৰেশ সিং ওৰফে থোংগাম্বা ওৰফে চিংছাং (৩০), মূলতঃ চুৰাচান্দপুৰ জিলাৰ টুইবং ফাৰ্ম মামাঙৰ আৰু বৰ্তমান বিষ্ণুপুৰ জিলাৰ প্ৰজেক্ট মায়াই লেইকাইত বাস কৰা। এমএন-০১এবি-২১০২ নম্বৰৰ এখন দুচকীয়া বাজাজ পালছাৰ গাড়ী জব্দ কৰে।
১৩ জুনত চুৰাচান্দপুৰ থানাৰ অন্তৰ্গত টংডাম অঞ্চলৰ পৰা চুৰাচান্দপুৰ জিলাৰ তিনিজন বাসিন্দাক নিৰাপত্তা বাহিনীয়ে গ্ৰেপ্তাৰ কৰিছিল। তেওঁলোকৰ পৰা উদ্ধাৰ কৰা হৈছে সন্দেহযুক্ত ব্ৰাউন চুগাৰ থকা ৬৭টা চাবোনৰ বাকচ। আটকাধীন চোৰাং সৰবৰাহকাৰী পৌজাথাং (৪৫, চিংগাট গাঁৱৰ বাসিন্দা), গীনপু জৌ (৩৯, থিংকাংফাই গাঁৱৰ বাসিন্দা), আৰু কৈলানমাং (৩০, হিয়াংটাম গাঁৱৰ নিবাসী) বুলি জানিব পৰা গৈছে।
১৩ জুনত মণিপুৰ আৰক্ষীয়ে ড্ৰাগছ সৰবৰাহৰ অভিযোগত থংখোছেই হাওকিপ (৪৪)ক গ্ৰেপ্তাৰ কৰিছিল। মূলতঃ টেঙনৌপাল জিলাৰ মলনয় পল্লেলৰ ঘৰ, বৰ্তমান চুৰাচান্দপুৰৰ ডেলহেনফাই গাঁৱত থাকে। চুৰাচান্দপুৰ আৰক্ষী থানাৰ অন্তৰ্গত ভেং চুৰাচান্দপুৰ অঞ্চলত ৰখাই থোৱা ডব্লিউবি-১৯৬-৮৯০৬ নম্বৰৰ এখন অল্ট’ গাড়ী চলাই থকা অৱস্থাত ধৰা পৰে। ৰৈ থকা গাড়ীখনৰ পৰা উদ্ধাৰ হৈছে সন্দেহযুক্ত ব্ৰাউন চুগাৰ থকা মুঠ ৭৭টা চাবোনৰ বাকচ।
---------------
হিন্দুস্থান সমাচাৰ / অৰৱিন্দ
