অভিনেতা ৰণবীৰ কাপুৰৰ বহু প্ৰত্যাশিত ছবি ৰামায়ণক লৈ উৎসাহিত হৈ পৰিছে দৰ্শকসকল। পৰিচালক নিতেশ তিৱাৰীৰ মহাকাব্যিক ছবিখনত ৰণবীৰে ভগৱান ৰামৰ চৰিত্ৰত অভিনয় কৰিব। শেহতীয়াকৈ মুক্তি পোৱা ছবিখনৰ প্ৰথম আভাসটোৱে এই হুলস্থুলক আৰু অধিক ইন্ধন যোগাইছে। প্ৰখ্যাত পৰিচালক ইমতিয়াজ আলীয়ে ৰণবীৰৰ চিত্ৰকল্পক লৈ নিজৰ মতামত দিছে।
বাৰ্তালাপৰ সময়ত ইমতিয়াজ আলীয়ে কয় যে ভগৱান ৰামৰ চৰিত্ৰত অভিনয় কৰাটো ৰণবীৰ কাপুৰৰ বাবে অত্যন্ত লাভজনক বুলি প্ৰমাণিত হ’ব। তেওঁৰ মতে ৰণবীৰ এনে এজন অভিনেতা যিয়ে তেওঁ অভিনয় কৰা চৰিত্ৰবোৰৰ পৰা প্ৰেৰণা লাভ কৰি সেইবোৰৰ মাজত সম্পূৰ্ণৰূপে নিমজ্জিত হয়। তেওঁৰ মতে শ্ৰীৰামৰ দৰে আদৰ্শ চৰিত্ৰত অভিনয় কৰিলে ৰণবীৰক কেৱল অভিনয়ৰ দক্ষতাই নহয়, জীৱনৰ বহু গুৰুত্বপূৰ্ণ শিক্ষাও শিকাব।
ইমতিয়াজে ৰণবীৰৰ অভিনয় ক্ষমতাক প্ৰশংসা কৰি কয় যে তেওঁ সকলো ধৰণৰ চৰিত্ৰত অভিনয় কৰিবলৈ সক্ষম। তেওঁ কয় যে অভিনেতাসকলে বৈচিত্ৰ্যপূৰ্ণ ভূমিকা পালন কৰিব লাগে কাৰণ প্ৰতিটো চৰিত্ৰই তেওঁলোকক নতুন কিবা এটা শিকাইছে। তেওঁৰ মতে, ৰণবীৰে ভগৱান ৰামৰ চৰিত্ৰটোক মানৱীয় আৱেগ আৰু বাস্তৱতাৰে চিত্ৰিত কৰিব পাৰে, যাৰ ফলত দৰ্শকে চৰিত্ৰটোৰ সৈতে গভীৰভাৱে সংযোগ স্থাপন কৰিবলৈ সক্ষম হ’ব। ৰণবীৰ কাপুৰৰ উপৰিও ছাই পল্লৱী, যশ, ছানী দেওল, আৰু লাৰা দত্তকো গুৰুত্বপূৰ্ণ চৰিত্ৰত অভিনয় কৰিব ‘ৰামায়ণ’ ছবিখনত। ২০২৬ চনৰ দীপাৱলী উপলক্ষে ছবিগৃহত মুক্তি পাবলগীয়া ছবিখনৰ প্ৰথম খণ্ড ভাৰতীয় চিনেমাৰ অন্যতম ভৱিষ্যৎ আৰু বহু প্ৰত্যাশিত ছবি হিচাপে বিবেচিত হৈছে।
হিন্দুস্থান সমাচাৰ / মনোজ কুমাৰ শইকীয়া
