ইছলামাবাদ, ০১ জুন (হি.স.)। ইউৰোপীয় সংঘৰ বৈদেশিক পৰিক্ৰমা আৰু নিৰাপত্তা নীতিৰ উচ্চ প্ৰতিনিধি কাজা কল্লাছ সোমবাৰে পাকিস্তান ভ্ৰমণৰ বাবে ইছলামাবাদত উপস্থিত হয়। ইউৰোপীয় ইউনিয়ন-পাকিস্তানৰ অষ্টম কৌশলগত আলোচনাত অংশগ্ৰহণ কৰিব ছানীয়ে।

পাকিস্তানৰ বৈদেশিক কাৰ্যালয়ৰ এক বিবৃতি অনুসৰি, দুয়োপক্ষৰ মাজত গাঁথনিগত আলোচনাৰ সৰ্বোচ্চ মঞ্চ কৌশলগত আলোচনাৰ সহ-সভাপতি হিচাপে উপ-প্ৰধানমন্ত্ৰী তথা বৈদেশিক মন্ত্ৰী ইছাক দাৰ আৰু কল্লাছে সহযোগিতা কৰিব।

জিঅ’ নিউজৰ এক প্ৰতিবেদন অনুসৰি কল্লাছক আদৰণি জনায় উপ-প্ৰধানমন্ত্ৰী দাৰে। ইউৰোপীয় ইউনিয়নে এক সুকীয়া বিবৃতিত কয় যে এই ভ্ৰমণৰ সময়ত ইউৰোপীয় আয়োগৰ উপ-সভাপতি কল্লাছে ইছলামবাদত ৰাষ্ট্ৰপতি আছিফ আলী জাৰ্দাৰী, প্ৰধানমন্ত্ৰী শ্বাহবাজ শ্বৰীফ, আৰু সেনাৰ মুখ্য ফিল্ড মাৰ্শ্বাল আছিম মুনিৰৰ সৈতে সাক্ষাৎ কৰিব। আজি ইছহাক দাৰৰ সৈতে যৌথ সংবাদমেলৰো আয়োজন কৰিব কল্লাছে।

ইউৰোপীয় ইউনিয়নৰ শীৰ্ষ কূটনীতিবিদগৰাকীয়ে পাকিস্তান ভ্ৰমণৰ সময়ত থিংক টেংক আৰু একাডেমীৰ প্ৰতিনিধিৰ সৈতেও সাক্ষাৎ কৰাৰ সম্ভাৱনা আছে। তেওঁৰ এই ভ্ৰমণৰ সময়তে পাকিস্তান আৰু ইউৰোপীয় ইউনিয়নে বাণিজ্য, উন্নয়ন, জলবায়ুৰ সমস্যা, প্ৰব্ৰজন, আৰু আঞ্চলিক স্থিতিশীলতাৰ ক্ষেত্ৰত ঘনিষ্ঠ সহযোগিতা বজাই ৰাখিছে।

হিন্দুস্থান সমাচাৰ / মনোজ কুমাৰ শইকীয়া