মাস্কাট, ২৩ মাৰ্চ (হি.স.)। পশ্চিম এছিয়াত চলি থকা উত্তেজনাৰ মাজতে ওমানত থকা আমেৰিকাৰ দূতাবাসে “শ্বেলটাৰ ইন প্লেচ”ৰ পৰামৰ্শ জাৰি কৰিছে। এই পৰামৰ্শ সমগ্ৰ দেশৰ বাবে প্ৰযোজ্য, যদিও চলি থকা কাৰ্য্যকলাপৰ বিষয়ে সবিশেষ দিয়া হোৱা নাছিল।
দূতাবাসে নিৰাপত্তা সতৰ্কবাণীত নাগৰিকসকলক নিজৰ ঘৰত বা অট্টালিকা সুৰক্ষিত কৰি ৰাখিবলৈ আৰু অপ্ৰয়োজনীয় আউটিং এৰাই চলিবলৈ আহ্বান জনায়। ইয়াৰ উপৰিও খাদ্য, পানী, ঔষধ, আৰু অন্যান্য অত্যাৱশ্যকীয় সামগ্ৰীৰ পৰ্যাপ্ত মজুত ৰখাৰ পৰামৰ্শ দিয়া হৈছে।
এই উপদেষ্টাখনে কোনো আক্ৰমণৰ ক্ষেত্ৰত ধ্বংসাৱশেষ বা ক্ষতিগ্ৰস্ত অঞ্চলৰ পৰা আঁতৰি থাকিবলৈ আৰু চৰকাৰী তথ্যৰ বাবে নিৰ্ভৰযোগ্য সংবাদ মাধ্যমৰ ওপৰত নজৰ ৰাখিবলৈ পৰামৰ্শ দিয়ে।
ইয়াৰ পূৰ্বে আমেৰিকাৰ বিদেশ মন্ত্ৰালয়ে ওমানত থকা অপ্ৰয়োজনীয় চৰকাৰী কৰ্মচাৰী আৰু তেওঁলোকৰ পৰিয়ালক দেশ এৰি যাবলৈ নিৰ্দেশ দিছিল। ইৰাণৰ সৈতে আমেৰিকা-ইজৰাইলৰ সংঘাত আৰম্ভ হোৱাৰ মাত্ৰ কেইদিনমানৰ পিছতে এই পদক্ষেপ লোৱা হৈছে।
অঞ্চলটোত ক্ৰমবৰ্ধমান অস্থিৰতা আৰু সম্ভাৱ্য ভাবুকিৰ পোহৰত এই সতৰ্কবাণী জাৰি কৰা হৈছে। বৰ্তমান পৰিস্থিতিত যিকোনো অভাৱনীয় পৰিস্থিতিৰ বাবে নিৰাপত্তা সংস্থাসমূহ উচ্চ সতৰ্কতা অৱলম্বন কৰাটো স্পষ্ট।
हिन्दुस्थान समाचार / অৰৱিন্দ
