ভাৰতীয় চিনেমাই পুনৰবাৰ আন্তঃৰাষ্ট্ৰীয় মঞ্চত নিজৰ শক্তিশালী উপস্থিতি অনুভৱ কৰিছে। ছুপাৰষ্টাৰ ঋষব শ্বেট্টীৰ ছবি ‘কান্তৰাঃ চেপ্টাৰ ১’ই অস্কাৰ দৌৰত স্থান দখল কৰি দেশলৈ গৌৰৱ কঢ়িয়াই আনিছে। অনুপম খেৰৰ ছবি ‘তনভি দ্য গ্ৰেট’ও ৯৮ সংখ্যক একাডেমী বঁটাৰ বাবে শ্ৰেষ্ঠ ছবিৰ চৰ্টলিষ্টত অন্তৰ্ভুক্ত হৈছে। ২০২৬ চনৰ অস্কাৰৰ কাউণ্টডাউন আৰম্ভ হোৱাৰ লগে লগে এই দুখন ভাৰতীয় ছবিৰ প্ৰৱেশক এক ডাঙৰ কৃতিত্ব হিচাপে বিবেচিত হৈছে।
'কান্তৰা: চেপ্টাৰ ১' দলৰ প্ৰতিক্ৰিয়া
এই ঐতিহাসিক সাফল্যক লৈ ‘কান্তৰাঃ চেপ্টাৰ ১’ৰ নিৰ্মাতাসকলে সন্তোষ প্ৰকাশ কৰিছে। দলটোৱে শ্বেয়াৰ কৰা এটা পোষ্টত লিখা আছিল, “আমাৰ সংস্কৃতিত শিপাই থকা আৰু ঈশ্বৰত্বৰ দ্বাৰা অনুপ্ৰাণিত ‘কান্তৰা: চেপ্টাৰ ১’ ২০২৬ চনৰ একাডেমী বঁটাৰ শ্ৰেষ্ঠ ছবিৰ দৌৰত অন্তৰ্ভুক্ত হোৱাটো আমাৰ বাবে গৌৰৱ আৰু বিশেষ সুবিধাৰ বিষয়।”
ঋষব শ্বেট্টীৰ অভিনয় আৰু পৰিচালিত এই ছবিখন ২০২৫ চনৰ ২ অক্টোবৰত চিনেমাগৃহত মুক্তি লাভ কৰে। অস্কাৰ দৌৰত ইয়াৰ উপস্থিতিয়ে ভাৰতীয় চিনেমাৰ বিশ্বব্যাপী মৰ্যাদা আৰু অধিক উন্নীত কৰিছে।
हिन्दुस्थान समाचार / মনোজ কুমাৰ শইকীয়া
