তেহৰাণ, ১৩ ডিচেম্বৰ (হি.স.)। শান্তিৰ নোবেল বঁটা বিজয়ী নাৰ্গিছ মহম্মদীক পুনৰ গ্ৰেপ্তাৰ কৰা হৈছে। ইৰাণৰ দ্বিতীয় বৃহত্তম চহৰ মাছহাদত শুকুৰবাৰে এক শোকসভাত অংশগ্ৰহণ কৰি থকা অৱস্থাত তেওঁক গ্ৰেপ্তাৰ কৰা হয় । অনুষ্ঠানটোৰ এটা ভিডিঅ’ত হিজাব নোহোৱাকৈ ৰাইজক সম্বোধন কৰি শ্লোগান উচটনি দিয়া দেখা গৈছে। নৰৱেৰ নোবেল কমিটীয়ে তেওঁক গ্ৰেপ্তাৰ কৰাক গৰিহণা দি তেহৰাণক তেওঁৰ সুৰক্ষা নিশ্চিত কৰিবলৈ আৰু তেওঁক বিনাচৰ্তে মুকলি কৰি দিবলৈ আহ্বান জনায়।

উত্তৰ-পূবৰ মাছহাদ চহৰত শোকসভাত উপস্থিত থকাৰ সময়ত নিৰাপত্তা বাহিনীয়ে নোবেল বঁটা বিজয়ী নৰ্গিছ মহম্মদী আৰু আন কেইবাজনো কৰ্মীক আটক কৰে বুলি মাছহাদৰ গৱৰ্ণৰ হাছান হোছেইনীয়ে প্ৰকাশ কৰিছে। ৰাজ্যিক সংবাদ মাধ্যমৰ আগত হোছেইনীয়ে কয় যে জনসমাগম অশালীন হৈ পৰাৰ বাবে তেওঁৰ সুৰক্ষাৰ বাবে গ্ৰেপ্তাৰ কৰা হৈছে। তেওঁ লগতে কয় যে প্ৰতিদ্বন্দ্বী গোটৰ পৰা মুখামুখি হোৱাৰ আশংকাত তেওঁৰ সুৰক্ষাৰ বাবে গ্ৰেপ্তাৰ কৰা হৈছে।

খবৰ অনুসৰি নৰ্গিছ মহম্মদীয়ে প্ৰয়াত বিশিষ্ট মানৱ অধিকাৰ অধিবক্তা খোছৰো আলিকোৰ্ডিৰ বাবে শোক সভাত অংশগ্ৰহণ কৰে। শেহতীয়াকৈ তেওঁৰ মৃত্যুৱে তেওঁৰ সমৰ্থকসকলক ক্ষুব্ধ কৰি তুলিছে। যোৱা সপ্তাহত মাছহাদৰ কাৰ্যালয়ত সন্দেহজনক পৰিস্থিতিত মৃত অৱস্থাত উদ্ধাৰ হৈছিল আলিকোৰ্ডীক। তেওঁৰ সমৰ্থকসকলে আলিকোৰ্ডিৰ হাৰ্ট এটেক হোৱা বুলি আনুষ্ঠানিক বক্তব্যক লৈ প্ৰশ্ন উত্থাপন কৰি তেওঁৰ মৃত্যুৰ সৈতে নিৰাপত্তা বাহিনী জড়িত থকাৰ অভিযোগ উত্থাপন কৰে।

মৃত অধিবক্তাজনৰ ভাতৃ জাভাদ আলিকোৰ্ডিয়ে এটা অডিঅ’ বাৰ্তাযোগে অভিযোগ কৰে যে নিৰাপত্তা বাহিনীয়ে মহম্মদীক গ্ৰেপ্তাৰ কৰাৰ পূৰ্বে প্ৰহাৰ কৰিছিল। তেওঁ কয় যে গ্ৰেপ্তাৰ কৰা সকলোকে মাছহাদত ইৰাণৰ ৰিভল্যুচনেৰী গাৰ্ডৰ চোৰাংচোৱা শাখাৰ সৈতে জড়িত ডিটেনচন চেণ্টাৰলৈ বদলি কৰা হৈছে।

৫৩ বছৰীয়া মহম্মদীয়ে ২০২৪ চনৰ পৰা চিকিৎসাৰ বাবে অস্থায়ীভাৱে মুক্তি লাভ কৰিছিল। ৩৬ বছৰ কাৰাদণ্ড কটাবলগীয়া হোৱা মহম্মদীয়ে ২০২৩ চনত শান্তিৰ নোবেল বঁটা লাভ কৰিছিল। ২০২২ চনত মাহছা আমিনিৰ মৃত্যুৰ ফলত দেশজোৰা প্ৰতিবাদত মহিলাসকলে হিজাব পৰিধান নকৰাকৈ চৰকাৰৰ বিৰুদ্ধে মুকলিকৈ প্ৰতিবাদ সাব্যস্ত কৰা প্ৰতিবাদকো তীব্ৰ সমৰ্থন জনায়।

हिन्दुस्थान समाचार / অৰৱিন্দ