ঢাকা, ১১ ডিচেম্বৰ (হি.স.)। বাংলাদেশত নিজৰ কাৰ্যালয়ত বুধবাৰে বিয়লি পণবন্দী কৰি ৰখা বিত্তীয় উপদেষ্টা ডাঃ ছালেহুদ্দিন আহমেদক আৰক্ষীৰ সহায়ত নিশা প্ৰায় ৮ বজাত মুকলি কৰি দিয়া হয়। বিভিন্ন মন্ত্ৰালয় আৰু বিভাগৰ কৰ্মচাৰীয়ে তেওঁক তেওঁৰ কাৰ্যালয়ত পণবন্দী কৰি ৰাখিছিল। চৰকাৰে তেওঁলোকৰ দাবীক আওকাণ কৰা বুলি অভিযোগ উত্থাপন কৰিছে কৰ্মচাৰীসকলৰ।

ঢাকা ট্ৰিবিউনৰ তথ্য অনুসৰি বুধবাৰে বিয়লি প্ৰায় ২ বজাত বাংলাদেশৰ প্ৰশাসনিক চক্ৰ কঁপাইছিল যেতিয়া বিভিন্ন মন্ত্ৰালয় আৰু বিভাগৰ কৰ্মচাৰীয়ে বিত্তীয় উপদেষ্টা ড০ ছালেহুদ্দিন আহমেদক সচিবালয়ত থকা তেওঁৰ কাৰ্যালয়ত পণবন্দী কৰি ৰাখিছিল। প্ৰতিবাদকাৰী কৰ্মচাৰীয়ে সচিবালয়ৰ চতুৰ্থ মহলাৰ উপদেষ্টাৰ কাৰ্যালয় অৱৰোধ কৰিছিল। সকলো চৰকাৰী কৰ্মচাৰীৰ বাবে ২০ শতাংশ বিশেষ ভাট্টা প্ৰদানৰ দাবী জনাইছে প্ৰতিবাদকাৰীয়ে।

ঘটনা অনুসৰি প্ৰতিবাদকাৰী কৰ্মচাৰীসকলে বৃহস্পতিবাৰৰ ভিতৰত দাবী পূৰণ কৰাৰ প্ৰতিশ্ৰুতি দি বিত্তীয় উপদেষ্টাজনক তেওঁৰ কাৰ্যালয়লৈ ফোন কৰি আলোচনাৰ বাবে ফোন কৰে। তেওঁৰ কাৰ্যালয়ত উপস্থিত হোৱাৰ লগে লগে প্ৰতিবাদকাৰীসকলে নিজৰ দাবী শীঘ্ৰে পূৰণৰ ওপৰত জোৰ দিয়ে। প্ৰতিবাদকাৰী কৰ্মচাৰীসকলে চৰকাৰে গেজেট অধিসূচনা জাৰি নকৰালৈকে পিছুৱাই নাযায় বুলি উল্লেখ কৰে। প্ৰতিবাদকাৰীয়ে অৱৰোধ কৰে তেওঁৰ কাৰ্যালয়। অৱশেষত আৰক্ষীৰ সহায়ত তেওঁক উলিয়াই অনা হয়।

অন্তৱৰ্তীকালীন চৰকাৰ গঠনৰ পিছত কৰ্মচাৰীৰ মাজত অসন্তুষ্টি দ্ৰুতগতিত বৃদ্ধি পোৱাৰ সময়তে কৰ্মচাৰীৰ এই প্ৰতিবাদ।

বাংলাদেশী অৰ্থনীতিবিদ ছালেহুদ্দিন আহমেদ ২০২৪ চনৰ আগষ্ট মাহৰ পৰা বাংলাদেশৰ অন্তৱৰ্তীকালীন চৰকাৰৰ বিত্তীয় উপদেষ্টা হিচাপে কাম কৰি আহিছে।

हिन्दुस्थान समाचार / অৰৱিন্দ