- দেশৰ বিভিন্ন প্ৰান্তৰ পৰা দুহাজাৰ শ্বুটাৰৰ অংশগ্ৰহণ, নতুন প্ৰতিভাক ৰাষ্ট্ৰীয় চেম্পিয়নশ্বিপত সুযোগ

ভূপাল, ০৯ অক্টোবৰ (হি.স.)। মধ্য প্ৰদেশৰ ৰাজধানী ভূপালস্থিত ষ্টেট শ্বুটিং একাডেমীত আজি বৃহস্পতিবাৰৰ পৰা ১৫ অক্টোবৰলৈকে অনুষ্ঠিত হৈছে অল ইণ্ডিয়া জিভি মাভালংকাৰ শ্বুটিং চেম্পিয়নশ্বিপ (ৰাইফল ইভেণ্ট)। দেশৰ বিভিন্ন প্ৰান্তৰ পৰা প্ৰায় দুহেজাৰ শ্বুটাৰে এই সন্মানীয় প্ৰতিযোগিতাত অংশগ্ৰহণ কৰিব।

ৰাজ্যিক ক্ৰীড়া আৰু যুৱ কল্যাণ সঞ্চালক ৰাকেশ গুপ্তাই কয় যে এই চেম্পিয়নশ্বিপ শ্বুটিং ক্ৰীড়াত মাত্ৰ আৰম্ভণি কৰাসকলৰ বাবে এক উল্লেখযোগ্য সুযোগ। প্ৰতিযোগিতাত ভাল প্ৰদৰ্শন কৰি খেলুৱৈসকলে আগন্তুক ৰাষ্ট্ৰীয় শ্বুটিং চেম্পিয়নশ্বিপৰ বাবে নূন্যতম যোগ্যতা অৰ্জন কৰিবলৈ সক্ষম হ’ব, যাৰ ফলত তেওঁলোকে ৰাষ্ট্ৰীয় পৰ্যায়ত নিজৰ প্ৰতিভা প্ৰদৰ্শন কৰাৰ সুযোগ পাব।

তেওঁ জনায় যে এই সন্মানীয় প্ৰতিযোগিতাত অংশগ্ৰহণ কৰিবলৈ দেশৰ বিভিন্ন ৰাজ্যৰ পৰা প্ৰায় দুহেজাৰ শ্বুটাৰ ভূপালত উপস্থিত হৈছে। ভাৰতীয় শ্বুটিং কেলেণ্ডাৰত মাভালংকাৰ চেম্পিয়নশ্বিপক আটাইতকৈ গুৰুত্বপূৰ্ণ এণ্ট্ৰি লেভেল প্ৰতিযোগিতা বুলি গণ্য কৰা হয়, য’ত নতুন খেলুৱৈসকলে নিজৰ প্ৰদৰ্শনৰ ওপৰত ভিত্তি কৰি পৰৱৰ্তী প্ৰতিযোগিতাসমূহৰ বাবে যোগ্যতা অৰ্জন কৰে। এই প্ৰতিযোগিতাৰ জৰিয়তে শ্বুটিং ক্ৰীড়াত অভিষেক ঘটোৱা খেলুৱৈসকলে আগন্তুক ৰাষ্ট্ৰীয় শ্বুটিং চেম্পিয়নশ্বিপত অংশগ্ৰহণৰ বাবে নূন্যতম যোগ্যতা অৰ্জন কৰিব পাৰিব। এই অনুষ্ঠানটো সমগ্ৰ দেশতে শ্বুটিং ক্ৰীড়াৰ প্ৰচাৰ আৰু নতুন প্ৰতিভাক লালন-পালন কৰাৰ দিশত এক গুৰুত্বপূৰ্ণ পদক্ষেপ।

মধ্যপ্ৰদেশ ক্ৰীড়া আৰু যুৱ কল্যাণ বিভাগ আৰু মধ্যপ্ৰদেশ ৰাজ্যিক ৰাইফল সন্থাই যৌথভাৱে আয়োজন কৰা এই চেম্পিয়নশ্বিপখন। এই অনুষ্ঠানৰ বাবে ৰাজ্যখনৰ অত্যাধুনিক শ্বুটিং একাডেমীত সকলো প্ৰয়োজনীয় সা-সুবিধা আৰু বিশ্বমানৰ আন্তঃগাঁথনিৰে সজ্জিত। ক্ৰীড়া সঞ্চালক গুপ্তাই সকলো অংশগ্ৰহণকাৰীক শুভেচ্ছা জনাই কয় যে মাভালংকাৰ শ্বুটিং চেম্পিয়নশ্বিপৰ দৰে ইভেণ্টসমূহে নতুন প্ৰতিভাক স্বীকৃতি দি ৰাষ্ট্ৰীয় আৰু আন্তঃৰাষ্ট্ৰীয় প্ৰতিযোগিতাৰ বাবে প্ৰস্তুত কৰাৰ এক উৎকৃষ্ট সুযোগ। মধ্য প্ৰদেশে গৌৰৱেৰে এই অনুষ্ঠানৰ আয়োজন কৰিছে।

हिन्दुस्थान समाचार / মনোজ কুমাৰ শইকীয়া