কাঠমাণ্ডু, ১৬ অক্টোবৰ (হি.স.)। নেপালৰ সাধাৰণ নিৰ্বাচনৰ প্ৰস্তুতিৰ বাবে বৃহস্পতিবাৰে নিৰ্বাচন আয়োগে সৰ্বদলীয় বৈঠক আহ্বান কৰে। অহা ৫ মাৰ্চ, ২০২৬ তাৰিখে অনুষ্ঠিত হ’ব সাধাৰণ নিৰ্বাচন অনুষ্ঠিত কৰাৰ ঘোষণা কৰিছে অন্তৱৰ্তীকালীন চৰকাৰখনে।

নিৰ্বাচন আয়োগে প্ৰদান কৰা তথ্য অনুসৰি যোৱা ফেডাৰেল সংসদ, ৰাজ্যিক বিধানসভা আৰু স্থানীয় সংস্থাৰ নিৰ্বাচনত কমেও এখন আসন লাভ কৰা ২৯টা ৰাজনৈতিক দলৰ প্ৰতিনিধিক এই বৈঠকলৈ আমন্ত্ৰণ জনোৱা হৈছে।

নিৰ্বাচন আয়োগৰ মুখপাত্ৰ নাৰায়ণ প্ৰসাদ ভট্টৰাইয়ে কয় যে সকলো দলকে নিৰ্বাচনী প্ৰক্ৰিয়াত অংশগ্ৰহণৰ বাবে আবেদন জনোৱা হৈছে। বৰ্তমান সমগ্ৰ দেশতে ভোটাৰ তালিকা সংকলন চলি আছে। এই প্ৰচেষ্টাত সকলো পক্ষকে সহযোগ কৰিবলৈ আহ্বান জনোৱা হৈছে।

শেহতীয়াকৈ চৰকাৰে নেপালত ভোটদানৰ বয়স ১৮ বছৰৰ পৰা ১৬ বছৰলৈ হ্ৰাস কৰে। নেপালত জেন জি বিদ্ৰোহৰ পিছত গঠন হোৱা অন্তৱৰ্তীকালীন চৰকাৰখনে এক অধ্যাদেশৰ জৰিয়তে ভোটদানৰ বয়স ১৮ বছৰৰ পৰা ১৬ বছৰলৈ হ্ৰাস কৰাৰ সিদ্ধান্ত গ্ৰহণ কৰে।

লগতে নিৰ্বাচন আয়োগে সকলো ৰাজনৈতিক দলকে জাৰি কৰা নিৰ্বাচনী সময়সূচী অনুসৰি পঞ্জীয়ন আৰু পঞ্জীয়ন নবীকৰণ কৰিবলৈ অনুৰোধ জনাইছে। আয়োগে সাধাৰণ নিৰ্বাচনত অংশগ্ৰহণৰ বাবে নতুন ৰাজনৈতিক দলক নিজৰ দল পঞ্জীয়ন কৰিবলৈ ১৫ নৱেম্বৰলৈকে সময় দিছে । একেদৰে বৰ্তমানৰ ৰাজনৈতিক দলসমূহকো একে সময়সীমাৰ ভিতৰত পঞ্জীয়ন নবীকৰণ কৰিবলৈ কোৱা হৈছে।

हिन्दुस्थान समाचार / অৰৱিন্দ