কাঠমাণ্ডু, ১৫ অক্টোবৰ (হি.স.)। নেপালৰ অন্তৱৰ্তীকালীন চৰকাৰে সংসদ ভংগ কৰাৰ বিৰুদ্ধে আইনী যুঁজখন যুঁজিবলৈ বুধবাৰে সৰ্বদলীয় বৈঠক আহ্বান কৰিছে অধ্যক্ষ দেৱৰাজ ঘিমিৰে।
অন্তৱৰ্তীকালীন চৰকাৰ গঠনৰ পিছতে প্ৰধানমন্ত্ৰী সুশীলা কাৰ্কীৰ পৰামৰ্শ মতে ৰাষ্ট্ৰপতি ৰামচন্দ্ৰ পৌডেলে সংসদ ভংগ কৰে। মঙলবাৰৰ সন্ধিয়ালৈকে এই চৰকাৰী সিদ্ধান্তৰ বিৰুদ্ধে উচ্চতম ন্যায়ালয়ত ১০খন আৱেদন দাখিল কৰা হৈছে। ৰাজনৈতিক দলসমূহক একত্ৰিত কৰি যৌথভাৱে আবেদন দাখিল কৰাৰ প্ৰচেষ্টা অব্যাহত আছে।
ভংগ হোৱা প্ৰতিনিধি সদনৰ অধ্যক্ষ ঘিমিৰে আজি প্ৰতিনিধি সদনত প্ৰতিনিধিত্ব কৰা ১০টা ৰাজনৈতিক দলৰ সকলোৰে যৌথ বৈঠক আহ্বান কৰে। এই বৈঠক সিংহা দৰবাৰৰ ফেডাৰেল সংসদ সচিবালয়ত আহ্বান কৰা হৈছে। সভাত সকলো দলৰ প্ৰতিনিধিত্ব নিশ্চিত কৰিবলৈ অধ্যক্ষই ব্যক্তিগতভাৱে দলৰ সভাপতিসকলক ফোন কৰে।
অধ্যক্ষ ঘিমিৰে উল্লেখ কৰে যে সংসদ ভংগৰ বিৰুদ্ধে সকলো পক্ষই যৌথভাৱে উচ্চতম ন্যায়ালয়ত ৰিট আবেদন দাখিল কৰিবলৈ তেওঁ কাম কৰি আছে। তেওঁ কয় যে আন স্বতন্ত্ৰ ব্যক্তিয়ে দাখিল কৰা ৰিটসমূহ অসম্পৰ্কীয় পক্ষ বুলি খাৰিজ কৰিব পাৰি। সেয়েহে তেওঁ বিচাৰে প্ৰতিনিধি সদনত প্ৰতিনিধিত্ব কৰা ১০টা ৰাজনৈতিক দলৰ আটাইকেইখনেই যৌথ ৰিট দাখিল কৰক।
हिन्दुस्थान समाचार / মনোজ কুমাৰ শইকীয়া
