-অমান্য সঁজুলি আৰু অংশ যোগান ধৰা কোম্পানীসমূহৰ সৈতে কোনো নম্ৰতা নাই: বৈষ্ণৱ

নতুন দিল্লী, ১৫ অক্টোবৰ (হি.স.)। ৰে’ল মন্ত্ৰী অশ্বিনী বৈষ্ণৱে বুধবাৰে ৰাজধানীৰ ভাৰত মণ্ডপামত এছিয়াৰ সৰ্ববৃহৎ ৰে’ল আৰু পৰিবহণ প্ৰদৰ্শনী (আই আৰ ই ই ২০২৫) ১৬ সংখ্যক আন্তঃৰাষ্ট্ৰীয় ৰে’ল সঁজুলি প্ৰদৰ্শনী উদ্বোধন কৰে। তিনিদিনীয়া এই প্ৰদৰ্শনীখন ১৭ অক্টোবৰলৈকে দৰ্শনাৰ্থীৰ বাবে মুকলি থাকিব।এই অনুষ্ঠানৰ মূল উদ্দেশ্য হৈছে ৰেলৱে খণ্ডত উদ্ভাৱন, আধুনিকীকৰণ, আৰু আত্মনিৰ্ভৰশীলতাক উৎসাহিত কৰা।

এই উপলক্ষে দক্ষতা বিকাশ আৰু উদ্ভাৱনক প্ৰসাৰিত কৰাৰ উদ্দেশ্যে চি আই আই (ভাৰতীয় উদ্যোগ সংঘ) আৰু গতি শক্তি বিশ্ববিদ্যালয়ৰ মাজত বুজাবুজিৰ চুক্তি স্বাক্ষৰিত হয়। ইয়াৰ উপৰিও চিআইআই আৰু এছিয়ান ডেভেলপমেণ্ট বেংকে (এডিবি) যৌথভাৱে অন দ্য ৰাইট ট্ৰেক শীৰ্ষক প্ৰতিবেদন প্ৰকাশ কৰে, য'ত ভাৰতীয় ৰে'লৱেৰ ৰূপান্তৰ আৰু উন্নয়নৰ দিশৰ ওপৰত আলোকপাত কৰা হয়।

প্ৰদৰ্শনীৰ উদ্বোধনী অধিবেশনত ভাষণ দি ৰে’ল মন্ত্ৰী বৈষ্ণৱে কয় যে আই আৰ ই ভাৰতীয় ৰে’লৱেৰ বাবে এক ঐতিহাসিক সুযোগ, প্ৰায় ১৫খন দেশৰ সঁজুলি নিৰ্মাতা আৰু বৃহৎ সংখ্যক এম এছ এম ইয়ে অংশগ্ৰহণ কৰিছে। এই সময়ত আমি আমাৰ সঁজুলিৰ মানদণ্ডৰ ওপৰত গুৰুত্বসহকাৰে পুনৰ বিবেচনা কৰিব লাগিব, আমাৰ ৰে’লপথ আধুনিকীকৰণ কৰিব লাগিব, আৰু নতুন প্ৰযুক্তি ব্যৱহাৰ কৰিব লাগিব।’

তেওঁ উল্লেখ কৰে যে প্ৰধানমন্ত্ৰী নৰেন্দ্ৰ মোডীৰ নেতৃত্বত বিগত ১১ বছৰত ৰে’ল খণ্ডত অভূতপূৰ্ব পৰিৱৰ্তন ঘটিছে। ৩৫ হাজাৰ কিলোমিটাৰ নতুন ট্ৰেক স্থাপন কৰা হৈছে। দেশত ১৫৬খন ভাণ্ডে ভাৰত এক্সপ্ৰেছ, ৩০খন অমৃত ভাৰত এক্সপ্ৰেছ, আৰু চাৰিখন নমো ভাৰত ৰে’ল চলি আছে, যিবোৰ যাত্ৰীসকলৰ মাজত অত্যন্ত জনপ্ৰিয়। বৰ্তমান ভাৰতীয় ৰেলৱেই বছৰি প্ৰায় ৭ হাজাৰ ডবা নিৰ্মাণ কৰি আছে।

ৰে’ল মন্ত্ৰীগৰাকীয়ে দীৰ্ঘ দূৰত্বৰ ৰে’লৰ বাবে পুছ-পুল প্ৰযুক্তি গ্ৰহণ কৰাৰ প্ৰয়োজনীয়তাৰ ওপৰতো গুৰুত্ব আৰোপ কৰে। তেওঁ উল্লেখ কৰে যে ভাৰতত প্ৰায় ২৫০০ৰ পৰা ৩০০০ কিলোমিটাৰ যাত্ৰাৰ বাবে এই প্ৰযুক্তি অত্যন্ত উপযোগী হ’ব। এই প্ৰযুক্তি আগন্তুক বছৰবোৰত সকলো দীৰ্ঘ দূৰত্বৰ ৰে’লত সন্নিৱিষ্ট কৰা হ’ব। তেওঁ কয় যে ভাৰতীয় ৰে’লৱে এতিয়া নতুন প্ৰজন্মৰ আমৰুট ভাৰত ৪.২ ট্ৰেইনছেট আৰু নতুন প্ৰজন্মৰ যাত্ৰীবাহী ইঞ্জিনৰ বিকাশৰ কাম কৰি আছে, আগন্তুক ৩৬ মাহৰ ভিতৰত ট্ৰেকত মুকলি কৰাৰ লক্ষ্যৰে।

গুণগত নিয়ন্ত্ৰণৰ ওপৰত এক শক্তিশালী বাৰ্তা প্ৰদান কৰি বৈষ্ণৱে সকলো সঁজুলি নিৰ্মাতাক সকীয়াই দিয়ে যে অমান্য সঁজুলি আৰু অংশ যোগান ধৰা কোম্পানীসমূহৰ প্ৰতি কোনো নম্ৰতা প্ৰদৰ্শন কৰা নহ’ব। তেওঁ কয় যে ৰে’লৱে ব’ৰ্ডক উৎপাদন প্ৰক্ৰিয়া, গুণগত মান পৰীক্ষা, আৰু সামগ্ৰী নিৰ্বাচনত কঠোৰ পৰিদৰ্শন ব্যৱস্থা ৰূপায়ণ কৰিবলৈ নিৰ্দেশ দিয়া হৈছে।

ৰে’ল মন্ত্ৰীগৰাকীয়ে কয় যে ৰে’লৱে এতিয়া হাইড্ৰজেন চালিত ৰে’লৰ দৰে উন্নত প্ৰযুক্তিৰ ওপৰত স্বাৱলম্বীভাৱে কাম কৰি আছে। তেওঁ কয় যে আমি হাইড্ৰ’জেন ৰে’লখন সম্পূৰ্ণৰূপে আমাৰ অভিযন্তাসকলে ডিজাইন কৰিছো।এয়া ২৪০০ কিলোৱাট ক্ষমতাৰ আধুনিক প্ৰযুক্তি, যিয়ে ভৱিষ্যতক গঢ় দিব।

দক্ষতা বিকাশৰ ওপৰত গুৰুত্ব আৰোপ কৰি বৈষ্ণৱে কয় যে গাতি শক্তি বিশ্ববিদ্যালয়ে এতিয়া উদ্যোগসমূহৰ সৈতে অংশীদাৰিত্বৰে আধুনিক প্ৰশিক্ষণ কাৰ্যসূচী চলাই আছে। তিনি বছৰত এই প্ৰতিষ্ঠানটোৱে যথেষ্ট বৃদ্ধি পাইছে আৰু এতিয়া উদ্যোগসমূহৰ প্ৰয়োজন অনুসৰি তিনি সপ্তাহৰ পৰা ছয় বছৰলৈকে পাঠ্যক্ৰম আগবঢ়াইছে। সকলো কোম্পানীয়ে এই সুযোগ গ্ৰহণ কৰিব লাগে।

তেওঁ ঘোষণা কৰে যে ৰে’লৱেই অহা তিনি বছৰৰ ভিতৰত দলং আৰু সুৰংগ ডিজাইনৰ ক্ষেত্ৰত এক নিবেদিত চেণ্টাৰ অৱ এক্সেলেন্স স্থাপন কৰিব, য’ত প্ৰায় ১০০ জন বিশেষজ্ঞ ডিজাইনাৰ নিয়োজিত হ’ব। আন্তঃৰাষ্ট্ৰীয় বিশেষজ্ঞৰ সৈতে অংশীদাৰিত্ব আৰু অত্যাধুনিক চফট্ ৱেৰৰ ব্যৱহাৰৰ জৰিয়তে এই কাম সম্ভৱ হ’ব। ভাৰতীয় ৰে’লৱেৰ প্ৰযুক্তিগত আৰু উদ্যোগিক পৰিৱৰ্তনৰ প্ৰতীক হিচাপে আত্মপ্ৰকাশ কৰিছে আই আৰ ই ই ২০২৫ ইভেণ্ট।

हिन्दुस्थान समाचार / মনোজ কুমাৰ শইকীয়া