ইন্দোৰ, ১৫ অক্টোবৰ (হি.স.)। মধ্যপ্ৰদেশ লোকায়ুক্তৰ দলটোৱে গোপনীয় অভিযোগৰ ভিত্তিত বুধবাৰে অৱসৰপ্ৰাপ্ত আবকাৰী বিষয়া ধৰ্মেন্দ্ৰ সিং ভাদৌৰিয়াৰ ৮টা স্থানত অভিযান চলায়। ইয়াৰে ৭টা স্থান ইন্দোৰত আৰু এটা গোৱালিয়ৰত। ইন্দোৰৰ কৈলাশ কুঞ্জ আৰু বিজনেছ স্কাই পাৰ্ককে ধৰি ৭টা স্থানৰ লগতে গোৱালিৰৰ ইন্দ্ৰমণি নগৰৰ এটা ঘৰত তালাচী চলোৱা হৈছে।

বুধবাৰে পুৱা প্ৰথমে ইন্দোৰৰ পলাছিয়াৰ এটা ফ্লেটত উপস্থিত হৈ লোকায়ুক্তৰ দলটোৱে অনুসন্ধান আৰম্ভ কৰে। দলটোৱে ফ্লেটটোত মজুত থকা নথি-পত্ৰ পৰীক্ষা কৰিবলৈ আৰম্ভ কৰি নগদ লাখ লাখ টকা, দামী গহনা, বিদেশী মুদ্ৰা, অনুজ্ঞাপত্ৰ থকা অস্ত্ৰ-শস্ত্ৰ জব্দ কৰে। প্ৰাথমিক তথ্য অনুসৰি কেৱল ইন্দোৰ ফ্লেটটোৰ সম্পত্তিৰ মূল্য ৭ৰ পৰা ৮ কোটি টকা বুলি অনুমান কৰা হৈছে। ইফালে লোকায়ুক্তৰ দলটোৱে গোৱালিয়ৰৰ বিবেক নগৰত থকা ধৰ্মেন্দ্ৰ সিং ভদৌৰিয়াৰ বাসগৃহতো উপস্থিত হয়, য’ত নথি-পত্ৰ আৰু সা-সম্পত্তি পৰীক্ষা চলি আছে। ভদৌৰিয়াৰ আঠটা স্থানত একেলগে এই লোকায়ুক্ত কাৰ্য্য সংঘটিত হৈ আছে। প্ৰতিটো স্থানতে দলটোৱে ঘৰটোত মজুত থকা নথি-পত্ৰ, বেংক একাউণ্ট, আৰু সম্পত্তি নিবিড়ভাৱে পৰীক্ষা কৰি আছে।

এই গোচৰৰ তদন্ত কৰি থকা লোকায়ুক্তৰ বিষয়াসকলে বিভিন্ন বেংকত ৫টা লকাৰ উদ্ধাৰ হোৱা বুলি জানিব পৰা গৈছে। আন কেইবাটাও বেংকতো তেওঁৰ একাউণ্ট আছিল। লগতে তেওঁৰ হাতত আছিল বহু সংখ্যক বাহন। কোনবোৰ বাহন কাৰ নামত আছে সেইটো নিৰ্ণয় কৰিবলৈ তদন্ত অব্যাহত আছে। ভাদোৰিয়াই কাউন্টি বাগত ৪৭০০ বৰ্গফুটৰ এটা অট্টালিকা নিৰ্মাণ কৰি আছিল। মনোৰমা গঞ্জত তিনিটা বেডৰুমৰ, হল-কিচেন-কেৱল ফ্লেট এটাও তেওঁৰ আছে। তেওঁৰ ঘৰত তালাচী চলোৱাৰ সময়ত ৫০০ ইউৰোৰ ১০খন নোট উদ্ধাৰ কৰা হয়, যাৰ মুঠ মূল্য ৫ হাজাৰ ইউৰো।

১৯৮৭ চনত আবকাৰী বিভাগত উপ-পৰিদৰ্শক হিচাপে যোগদান কৰা ধৰ্মেন্দ্ৰ সিং ভদোৰিয়াই ২০২৫ চনৰ আগষ্ট মাহত আলিৰাজপুৰৰ জিলা আবকাৰী বিষয়া হিচাপে অৱসৰ গ্ৰহণ কৰে।ইয়াৰ পূৰ্বে ২০২০ চনত সুৰাৰ চুক্তি নিলামত গাফিলতিৰ বাবে তেওঁক নিলম্বন কৰা হৈছিল। সময়মতে নিলাম হোৱা নাছিল বাবেই তেওঁৰ বিৰুদ্ধে এই ব্যৱস্থা গ্ৰহণ কৰা হৈছিল। তদন্তত তেওঁৰ পুত্ৰ সূৰ্য্যংশ ভদৌৰিয়াই ছবিত বিনিয়োগ কৰা বুলি জানিব পৰা গৈছে। তেওঁৰ কন্যাৰ চলচ্চিত্ৰ বিনিয়োগৰ সৈতে জড়িত থকাৰ কথাও পোহৰলৈ আহিছে।

हिन्दुस्थान समाचार / Manoj Kumar Saikia