ঋষভ শ্বেট্টীৰ ছবি কান্তৰা চেপ্টাৰ ১ বক্স অফিচত আধিপত্য অব্যাহত ৰাখিছে। কেৱল ছুটিৰ দিনত নহয় আন দিনতো ছবিখনৰ উপাৰ্জন অসাধাৰণ গতিত বৃদ্ধি পাইছে। ২ অক্টোবৰত মুক্তি পোৱা এই ছবিখনে আৰম্ভণিৰে পৰাই চিনেমাগৃহলৈ বিপুল আকৰ্ষণ কৰি আহিছে। শেহতীয়া পৰিসংখ্যাই ইংগিত দিয়ে যে ছবিখনৰ উপাৰ্জন মন্থৰ হোৱাৰ কোনো লক্ষণ দেখা পোৱা নাই।
চাকনিল্কৰ এক প্ৰতিবেদন অনুসৰি, কান্তৰা চেপ্টাৰ ১ মুক্তিৰ ১৩ তাৰিখ মঙলবাৰে ১৩.৫০ কোটি টকা উপাৰ্জন কৰে। ১২ তাৰিখে ইয়াৰ সংগ্ৰহ আছিল ১৩.৩৫ কোটি ₹। এইদৰে ছবিখনে মাত্ৰ ১৩ দিনতে ₹৪৬৫.২৫ কোটি টকা উপাৰ্জন কৰিছে। দ্ৰুতগতিত বৃদ্ধি পোৱা উপাৰ্জনৰ লগে লগে কান্তৰা অধ্যায় ১ ইতিমধ্যে বহু ডাঙৰ ডাঙৰ ছবিৰ অভিলেখ ভংগ কৰিছে। ই ছলমান খানৰ টাইগাৰ ৩ (৪৬৪ কোটি টকা) আৰু থলপথী বিজয়ৰ দ্য গোট (৪৫৭ কোটি টকা)ৰ জীৱনজোৰা সংগ্ৰহক অতিক্ৰম কৰিলে।
দ্বিতীয় সপ্তাহতো ছবিখনে বক্স অফিচত আধিপত্য বিস্তাৰ কৰি থাকিব নে ইয়াৰ উপাৰ্জন সামান্য হ্ৰাস পাব সেয়া হ’ব লক্ষ্যণীয়। ইয়াৰ আকৰ্ষণীয় ব্যৱসায়ৰ বাবে কান্তাৰা: চেপ্টাৰ ১ এতিয়া ভিকি কৌশলৰ চাৱাৰ পিছত ২০২৫ চনৰ দ্বিতীয় সৰ্বাধিক উপাৰ্জনকাৰী ছবি হিচাপে পৰিগণিত হৈছে।
हिन्दुस्थान समाचार / মনোজ কুমাৰ শইকীয়া
